影片
更多
2024-11-05
952 浏览
--La Paloma--之前喺ig见到人哋食过，影住个paella好大个，觉得几得意又想食下西班牙菜就嚟试下。(但呢餐系几个月前食，所以描述食物描述得唔系几好🥲)🥗🧆食物嚟讲，比较惊喜嘅系starter类似系沙律嘅嘢，酸酸甜甜，有啲荀同ham喺入面，整体系几开胃同几特别。嗌咗个和牛及鹅肝配长法包，同埋salmon tnt，2样嘢都觉得冇乜特别，记忆点唔多。不过佢好多tapas同starter拣，选择好多，点都有一两样你想试。🥘Paella嚟讲，唔算特别出色，只可以话佢嘅卖点真系够大(个煲)，个人觉得picapica更好食。食物整体就系中规中矩，有85折嘅话系可以试下。🙂服务0分👎🏿最嬲嘅系佢哋服务态度真系好差，本身一路食都觉得佢哋态度冇话好好，上餐就系求其摆低就算，有时问嘢又唔会应，面色又唔系几好，态度冷漠。😓😓😓我自己book𠮶阵有讲到话自己带蛋糕去庆生，去到餐厅𠮶阵亦都将蛋糕交低俾staff。临食蛋糕𠮶阵，佢有帮我哋插咗支仙女棒蜡烛。不过佢攞蛋糕埋嚟𠮶阵完全唔通知一声，个蜡烛话咁快烧晒，想叫佢帮我哋影张相都叫唔到，因为个staff好快手劈低个蛋糕即刻走开咗，个蛋糕就摆喺张枱角落位
之前喺ig见到人哋食过，影住个paella好大个，觉得几得意又想食下西班牙菜就嚟试下。(但呢餐系几个月前食，所以描述食物描述得唔系几好🥲)
🥗🧆食物嚟讲，比较惊喜嘅系starter类似系沙律嘅嘢，酸酸甜甜，有啲荀同ham喺入面，整体系几开胃同几特别。嗌咗个和牛及鹅肝配长法包，同埋salmon tnt，2样嘢都觉得冇乜特别，记忆点唔多。不过佢好多tapas同starter拣，选择好多，点都有一两样你想试。
🥘Paella嚟讲，唔算特别出色，只可以话佢嘅卖点真系够大(个煲)，个人觉得picapica更好食。
食物整体就系中规中矩，有85折嘅话系可以试下。
🙂服务0分👎🏿
最嬲嘅系佢哋服务态度真系好差，本身一路食都觉得佢哋态度冇话好好，上餐就系求其摆低就算，有时问嘢又唔会应，面色又唔系几好，态度冷漠。😓😓😓
我自己book𠮶阵有讲到话自己带蛋糕去庆生，去到餐厅𠮶阵亦都将蛋糕交低俾staff。
临食蛋糕𠮶阵，佢有帮我哋插咗支仙女棒蜡烛。不过佢攞蛋糕埋嚟𠮶阵完全唔通知一声，个蜡烛话咁快烧晒，想叫佢帮我哋影张相都叫唔到，因为个staff好快手劈低个蛋糕即刻走开咗，个蛋糕就摆喺张枱角落位🙂
作为顾客去餐厅庆生，仲要俾咗你$250切饼费，你送蛋糕嚟都唔通知一声，劈低又走开，一句声都冇出过，真系同茶餐厅上餐将嘢食劈低嘅画面一模一样😇😇特登嚟庆生，心情真系几受影响。
最后离开餐厅之后突然醒起交低俾staff嘅蛋糕袋佢冇还返俾我，由头到尾冇人问过我哋个蛋糕袋要点处理，店家亦好似从来冇打算问声🥲
店入面见都有唔少唔系本地人嘅staff，都算有啲外国气氛，真系第一次食西餐遇到态度咁差嘅店员。同埋餐厅你收得人$250切饼费，唔该有啲细节位都做下，讲句happy birthday都好呀。
张贴
