影片
更多
2016-05-17
967 浏览
每隔两个月就会去一次的餐厅，却发现越来越不济，环境服务味道跌watt不在话下，仲呃秤先最激气。首先，一个月前book定 10 位，睇住佢mark我地资料上去时都未有人book同一日，但嚟到佢只俾出面嘅枱，而唔肯俾间房我地，而间房其实系成晚都冇人㗎㖞。坐喺出面环境嘈吵，天花板又滴水。差！再嚟服务，哩间分店不嬲唔系好够人手，但之前都ok, 今日却劲想将我地未食完嘅嘢收走，好似猪手冻成碟都只系十零廿粒，但食剩四五粒时佢不停想收，好彩2次都眼明手快阻止到，但搞到我地好狼狈，好似要同佢斗快，狂塞嘢入口度咁，食得一啲都唔Enjoy! 差！讲番食物，一个月前食过盐焗蛏子，咸香鲜甜，令人回味；今日食的肉质新鲜却毫无味道。另一边厢，豆腐煲同百秒黄花鱼却咸到要自己加水。差！轮到价钱，最最激气。一只八个人都分唔匀的蟹，蟹蚶剥壳后蟹肉只得一半，事前唔讲几重，埋单先话计33両。你话我地第一次食蟹就话啫，喺哩间餐厅都食过3、4次蟹啦，细蟹4百零蚊，大蟹都不过600蚊，今次俾佢足足收咗800蚊，离晒大谱！差！怒！乜嘢差都可以忍，呃秤就最最难忍。生日流流费事同你嘈，用我地自己对脚去投票，哩间餐厅唔会再嚟！
首先，一个月前book定 10 位，睇住佢mark我地资料上去时都未有人book同一日，但嚟到佢只俾出面嘅枱，而唔肯俾间房我地，而间房其实系成晚都冇人㗎㖞。坐喺出面环境嘈吵，天花板又滴水。差！
再嚟服务，哩间分店不嬲唔系好够人手，但之前都ok, 今日却劲想将我地未食完嘅嘢收走，好似猪手冻成碟都只系十零廿粒，但食剩四五粒时佢不停想收，好彩2次都眼明手快阻止到，但搞到我地好狼狈，好似要同佢斗快，狂塞嘢入口度咁，食得一啲都唔Enjoy! 差！
讲番食物，一个月前食过盐焗蛏子，咸香鲜甜，令人回味；今日食的肉质新鲜却毫无味道。另一边厢，豆腐煲同百秒黄花鱼却咸到要自己加水。差！
轮到价钱，最最激气。一只八个人都分唔匀的蟹，蟹蚶剥壳后蟹肉只得一半，事前唔讲几重，埋单先话计33両。你话我地第一次食蟹就话啫，喺哩间餐厅都食过3、4次蟹啦，细蟹4百零蚊，大蟹都不过600蚊，今次俾佢足足收咗800蚊，离晒大谱！差！怒！
乜嘢差都可以忍，呃秤就最最难忍。生日流流费事同你嘈，用我地自己对脚去投票，哩间餐厅唔会再嚟！
张贴