牛気 (屯門市廣場1期)

营业中

休息中

越黎越少人帮衬是有原因的入座已决定唔再帮衬。又唔系爆长龙等位时间，冇人等位，入面数哂唔够10台客，2人都俾张细台你，放哂D肉都冇多余位放多碟菜。仲要超大风兜头吹既极级风位，未坐已先头赤劲寒，唯有自己坐过隔几张细台，仲自己拣返细台就算，唔洗同隔离台痴住食咁迫下化，呀带台姐姐仲要一手fing低张入座时间纸就秒速行左去，想拎转面问声可摸耳换过张台都冇机会，唔系我想老土自己钟意坐边张就边张。再讲，眼见有二人都坐卡位，咁即系唔系留俾可能或者3／4人先坐得啦。收加一服务费，连基本最基本最基本唔算系咩服务都冇。就算几好食都唔会再帮衬。而家出街食饭求食得开心，呢个加一服务费麻烦改改佢唔好叫服务费，叫上餐费吧。当日拣左$158牛小排餐食60分钟，食物质素唔错的，蔬菜菇丸自取类别亦好足够，refill自助bar食物亦都好快。甜品熟食类就非常麻麻。总括黎讲我觉得以呢个价钱系正的，唔系因为喺非繁忙时段安排入座都咁小家，真心会再帮衬。老实讲，我都系见呢个时间冇咩人先入去食，而唔系为左咩抵食或者系食物质素，都系想坐得松动D食得舒服D既姐。