憶食尚臘味煲仔飯

营业中

休息中

我同我老公系腊味忠粉，去亲奶奶度食饭，都梗有腊肠同膶肠送饭。呢日我哋嘅佐敦Friend介绍我哋嚟呢间食，话个饭焦好正，又坐得舒服，结果呢间餐厅无论煲仔饭、环境同小菜都好出色，称得上物有所值！广式腊味煲仔饭（例） HK$148一打开个盖，饭香同腊味香即扑鼻而来。腊味望落晶滢通透，米饭亦都粒粒分明；食落口更加正，腊鸭咸香冇膻味（我老公平时唔食都食咗一半）、腊肉片得好薄唔会滞、而用茅台整嘅腊肠，咸得嚟有股好讨喜嘅酒香甜，同啲较咸嘅腊味捞埋一齐食，再加埋葱同芫荽，真系好爽！个饭焦更加劲，热辣辣兼脆到极，我老公忍唔住话：「食剩半粒饭都觉得会对唔住个师傅」，结果我哋真系KO晒成窝饭，搞到夜晚食唔落饭。 辣子鸡丁 HK$98一上枱𠮶阵花椒香到不得了，啲鸡丁仲有骨，外皮炸到好酥脆，香口惹味到极，搞到连「配菜」红灯笼椒都好入味。 瑶柱虾米杂菜煲 HK$85平时呢个菜我真系麻麻，一系好味精，一系好鬼淡，但呢个汤就几好味，我哋觉得似落咗鸡汤同金华火腿嚟煲，绝对唔系揸流摊，而所有菜亦都好入味，虾米同瑶柱份量足，加埋蒜片，味道好有层次。