影片
更多
2023-09-04
188 浏览
好耐之前已经喺social media见到好多人去呢间位于荷李活道嘅楼上打卡Cafe，𠮶时觉得影相一流，已经一早book mark左要揾一日去试吓啲嘢食如何。Cafe装修简约型格，我哋特别拣坐喺最多人影相打卡嘅吧枱位置，可以望住中环嘅街景食饭，感觉好relax。见到多数人都系下昼黎食，但我地今次拣左食dinner，可能因为咁所以我地去到时cafe算比较少人。<Avocado Toast 2.1>喺OpenRice见到好多人都叫呢个前菜。一上枱已经觉得卖相好精致，有两片嘅微微烘过既酸种面包，另外仲有一个正方形嘅木盘装住唔同配料，分别有牛油果蓉，Cherry pepper ，烟三文鱼Tartare，菠萝Salsa，水牛芝士。按自己喜好将唔同配料放上酸种面包上面一齐食，味道酸酸甜甜，好有层次感。<Chicken & Waffle>真心有惊喜，唔好睇佢个名普普通通，其实面头系腌得好惹味既Buttermilk炸鸡，配上韩国泡菜，酸忌廉同埋辣酱，下面果层Croffle & Egg waffle就类似平时街边食开嘅鸡蛋仔，但系佢又做到真正嘅外脆内软，而且一啲都唔干身。
好耐之前已经喺social media见到好多人去呢间位于荷李活道嘅楼上打卡Cafe，𠮶时觉得影相一流，已经一早book mark左要揾一日去试吓啲嘢食如何。
Cafe装修简约型格，我哋特别拣坐喺最多人影相打卡嘅吧枱位置，可以望住中环嘅街景食饭，感觉好relax。见到多数人都系下昼黎食，但我地今次拣左食dinner，可能因为咁所以我地去到时cafe算比较少人。
<Avocado Toast 2.1>
喺OpenRice见到好多人都叫呢个前菜。一上枱已经觉得卖相好精致，有两片嘅微微烘过既酸种面包，另外仲有一个正方形嘅木盘装住唔同配料，分别有牛油果蓉，Cherry pepper ，烟三文鱼Tartare，菠萝Salsa，水牛芝士。按自己喜好将唔同配料放上酸种面包上面一齐食，味道酸酸甜甜，好有层次感。
<Chicken & Waffle>
真心有惊喜，唔好睇佢个名普普通通，其实面头系腌得好惹味既Buttermilk炸鸡，配上韩国泡菜，酸忌廉同埋辣酱，下面果层Croffle & Egg waffle就类似平时街边食开嘅鸡蛋仔，但系佢又做到真正嘅外脆内软，而且一啲都唔干身。将微辣嘅炸鸡夹埋少少甜嘅waffle一齐食，有几得意嘅Crossover效果，味道又估佢唔到出奇地夹，推荐。
<Grilled Wagyu Steak & Egg>
我地叫左Medium rare，牛扒色泽粉嫩，熟度拿捏得刚好，牛味浓郁，咬落去Juicy有肉汁。上面仲有一只煎到㶶边嘅太阳蛋，笃穿只太阳蛋，将牛扒捞埋蛋汁同埋旁边嘅chimichurri酱汁一齐食，更加带出牛扒嘅味道。牛扒系预先帮你切好晒一片片，啱晒我呢啲懒人。另外个薯条炸得热辣辣，几有水准。
<Oreo Croffle>
因为男朋友好钟意食Oreo，一见到呢个甜品就决定要叫黎试试。佢系Oreo脆脆 + whipped cream + 吉士酱 + croffle + 云呢拿雪糕，非常邪恶。佢连个云呢拿雪糕都绝对冇Hea你，系好Rich好Creamy，奶味浓郁。
<Uji Matcha Latte><Premium Hojicha Latte>
饮品方面，我哋叫咗Matcha latte同Hojicha latte，拣冻既就会配埋雪糕。茶味浓郁，配埋雪糕都唔会太甜，几啱我口味。
张贴
