三田製麵所 (K11購物藝術館)

营业中

休息中

平时经过K11呢间拉面店都大排长龙，今日难得见到冇人排队，一于入去试下。沾面就一款豚肉鱼介汤，有辣同唔辣可选，另外几钟意店家分小中大三个份量嘅面，大食嘅够饱细食又唔怕浪费。除左面仲有d小食，价钱唔算贵。饺子皮入口左几惊喜，薄得黎软滑烟韧，而且煎得几香口；内馅就冇咩特别啦。沾面可以拣冷或热嘅面底，冷面底对我黎讲太硬啦，有种食到攰嘅感觉，另外店家讲嘅「甜甜的小麦香味」我都唔太食到不过粗面挂汤嘅效果真系一流！反而汤底我几钟意，够浓郁之余有鱼嘅鲜味，最紧要系唔会咸到要不断饮水，亦都唔会太腻。叉烧用瘦肉，几滑但味道唔系太特别；糖心蛋跟面一齐上唔洗加点，糖心效果做得好好不过可以再入味d就更好啦！两碗面分别系中同大，份量都真系差几远，一般食量嘅先觉的中已经好够饱。小食同沾面嘅味道我都几满意，唔洗排队的话都可以一试。