影片
更多
2023-08-21
239 浏览
单计价钱，长脚蟹就真系卖得几平。$238 斤，仲平过街市。但系同我食开嘅长脚蟹真系差好远，明明佢都系喺鱼缸𠮶度拎出嚟，生生猛猛的。首先佢系有五斤，出嚟个样就一啲都唔似我买开5斤的蟹，好似四斤咁上下样。大细都未系重点，重点系蒸元出嚟啲肉系缩水的。我唔系厨师，我就唔知点解，感觉就系唔新鲜，定系蒸过龙？呢只超过一千元的蟹，大家都很失望。而且唔知道点解佢剪开只蟹嘅时候，要倒走晒啲蟹汁，见佢用另外一个碗装住拎走咗，二次创作其他𩠌？之前喺其他地方食系会有蟹汁喺个碟𠮶度，唔会咁样干争争。片皮鸭就更加差，干争争，嚡十十，仲要等咗半个钟以上。又比唔够饼皮，不过间嘢冇咩服务可言，所以都费事问佢，应该都系又要收钱。碟菜正常嘅，不过呢碟菜要$108 值唔值？我就觉得唔值。参菇海味炆伊面 $108 唔知啲菇喺边，亦都唔觉得有海参，主要都系得面。寿包，我冇食，朋友食，好似话唔好食嘅。只可以讲，性价比好低，仲要伙计喺隔离倒泻嘢，整到朋友一裤都系。 总结：绝对冇下次。
但系同我食开嘅长脚蟹真系差好远，明明佢都系喺鱼缸𠮶度拎出嚟，生生猛猛的。首先佢系有五斤，出嚟个样就一啲都唔似我买开5斤的蟹，好似四斤咁上下样。大细都未系重点，重点系蒸元出嚟啲肉系缩水的。我唔系厨师，我就唔知点解，感觉就系唔新鲜，定系蒸过龙？呢只超过一千元的蟹，大家都很失望。而且唔知道点解佢剪开只蟹嘅时候，要倒走晒啲蟹汁，见佢用另外一个碗装住拎走咗，二次创作其他𩠌？之前喺其他地方食系会有蟹汁喺个碟𠮶度，唔会咁样干争争。
片皮鸭就更加差，干争争，嚡十十，仲要等咗半个钟以上。
又比唔够饼皮，不过间嘢冇咩服务可言，所以都费事问佢，应该都系又要收钱。
碟菜正常嘅，不过呢碟菜要$108 值唔值？我就觉得唔值。
参菇海味炆伊面 $108 唔知啲菇喺边，亦都唔觉得有海参，主要都系得面。
寿包，我冇食，朋友食，好似话唔好食嘅。
只可以讲，性价比好低，仲要伙计喺隔离倒泻嘢，整到朋友一裤都系。
总结：绝对冇下次。
张贴
