皇后飯店

营业中

休息中

仲记得喺北角𠮶阵间中都会食，又一城都食过一两次嘅Queens，睇嚟有啲同世界脱节。今次试Southside分店，食午餐。午餐嘅餐包温度够热，红汤够料，白汤就麻麻。一个焗猪扒饭盛惠135 +10%，系非常夸张嘅价钱，食落勉强算足料，但系啲猪扒好嚡口…青酱意粉相对冇乜问题，牛扒甚至可以称得上几好食(叫Medium有部分位置过生，只系小问题)我比较唔满意嘅系服务，水要问先有，餐汤餐包上咗之后唔够20秒就上晒啲主菜，搞到一枱都系，十足上世纪嘅扒房餐厅咁。另外有几个侍应成日踢到我张凳(个别有道歉)…反而呢度水吧做得几好，奶茶柠茶朱古力够香亦够甜。但点都好，呢个价食lunch，以佢嘅质素同服务，唔算值。