手拉麵小廚

营业中

休息中

黎新蒲岗有乜好食？未食过呢间既我会强烈建议你黎试下个小笼包同醉鸡面。以上呢番话系某香港血统而常驻上海既食货友人系佢某次回港食住乜翠拉面小笼包。食到成头烟果时讲既。自一试之后。每当我谂起拉面同小笼包。都会揸车黎。冇车的确几唔就脚。同时拉面师傅亦会帮手睇车。等你你入面安心咁食。唔担心你坐得耐。因为啲位迫又硬櫈。食完上车坐好过。小笼包一客五只。个子不小。直径有近七厘米。皮薄。一定薄过晒有分店果啲。内里系满满既汤汁。不慎唔爆系口而系羹上穿左既话。汤汁系可以装满只汤羹。劲！同馅松得黎肉既质地能够保持。调味亦对口味。一笼不可分食！醉鸡面吗⋯⋯其实要叫一份醉鸡另一个汤面先够喉。无他既。一份醉鸡约四份一只。有齐肶翼胸背。肶滑。胸亦唔会鞋。背就最够味。唔好放弃啲杞子。都好好味嫁。食完净返个汁就系时候放个拉面入去吸埋啲精华。拉面质感极好。一吮滑入口。筋度适中有弹性。爽而不韧。唯一系个汤底唔得。不过有醉鸡汁仲有边个会深究个汤底。我谂当你食完一次。你会讲呢篇开首果段比你既朋友听。