天麩羅杏

营业中

休息中

好耐冇写食评，呢间真系有需要写下新铺开张去试下食物质素正常，但有几个地方仲系怪怪餐厅环境设计 中间系U 字型，但太过开扬。望住中间个吧枱雪柜 都唔知想点。我宁愿你好似一兰咁整个partition。𠮶个食嘢你眼望我眼。食物方面，我叫咗最贵嘅天妇罗set, 本身有象拔蚌仔，但电话落单时写售罄，原来转左另一样嘢，坐低𠮶阵冇人讲声既，到我问先讲。正常都应该讲声啦。员工方面，讲真新铺开张，你做戏都俾啲笑容丫。个经理木口木面咁，执到钱都唔识笑。埋单问下佢有冇得订枱， 「冇」，完左。 哦！气氛都系用餐的一部分。唔讲以为你俾人威胁去开工。佢前面上餐嘅空间好细，有个阿姐上乌冬𠮶阵，单手攞住手震震咁，我帮佢攞碗乌冬，佢同我讲叫我缩开手俾佢摆低。我都废时出声串佢。我就未必再比机会佢。