元気寿司 (集成中心)

营业中

休息中

话说今日约咗个客喺铜锣湾见面，不过早到关系又废事热辣辣喺条街度，所以经过集成中心，见到间元气无咩人而自己又未食晏昼，所以谂住食少少嘢打定个底先，因为我比较少食生嘢，所以日本刺身、寿司都唔系成日食，但系冇问题嘅，元气寿司应该大把啱我食嘅嘢，快、快、快，一位埋嚟坐啦~~~ 仲记得以前食回转寿司都仲未咁先进有架子弹火车飞出飞入，今次一个古代人就即管体验下啦，电脑落单时，见到非常多款式及种类，但碍于我好多都唔食，所以最后都叫得几款小食顶下个肚：炸虾天妇罗、烧珍宝蟹柳、葱香珍宝帆立贝、明太子鸡翼、巨峰梳打。落单完成后等咗大约十几分钟，终于所有食品陆续上枱喇~~~ 首先试咗个葱油珍宝帆立贝先，虽然叫珍宝不过其实同普通𠮶啲都差唔多大，味道方面都好新鲜，而且加埋香葱食都鲜甜。之后到珍宝蟹柳，话佢珍宝蟹柳倒不如话嚿饭好细，蟹柳上面有芝士，其实... 味道真系唔系夹，不过蟹柳都算新鲜嘅。跟住到炸虾天妇罗同明太子鸡翼，炸虾天妇罗都系我钟意嘅小食，但见到佢呢个嘅卖相就知道粉浆非常厚，而且入面甜虾细细只，味道就不过不失；明太子鸡翼即叫即炸，入口时烫口，鸡翼饱满但比较干身，入面充满明太子，有少许辣味都好惹味。最后