影片
更多
2009-06-15
24 浏览
有时食野前，真系要上黎「开饭」睇一睇先！平时放工成日都见呢间餐厅的大头公仔宣传，今日终于「有幸」光顾，真系一试便知濑野！其实一间食肆的人客数量，或多或少都反映到其质素，这间大巴黎，初时仲以为系同小巴黎一对系食越南野的。八时左右的黄时间，只得大约一半的满座，我当时都心知不妙，只系真的估唔到咁不堪而已。待应系唔会带你去边张枱的，我同女友便好似去快餐店咁求其揾张枱吧，反正都大把吉枱，但坐左好耐都未有清水俾你。都算了，于是点餐点了一客鹅肝ＨＡＭ的凯撒沙律和一客焗吞拿鱼鲍片意粉。餐汤点了一红一白，但跟汤的面包却欠奉，只得两碗汤俾我地，就连汤碗下的碟都冇，见到枱面上的两碗「孤单的汤」我同女友都真系打左个突！都算了，只要汤好饮就得，白汤过得去，红汤女友喝了两啖便唔饮了，事后佢话好似沟左水咁淡而无味。都算了，可能主菜好味呢！先来个凯撒沙律，顶！如果唔系我记得叫咩，仲以为佢黎的是前菜，只碟细不特止，蔬菜份量自然少得可怜，所谓的鹅肝就大家去食ＬＵＮＣＨ ＢＵＦＦＥＴ的果Ｄ下价肝鹅ＨＡＭ，得三片之余，旧鹅肝仲要有点苦苦地咁。都算了，跟住好快便黎埋我的焗意粉，但一拮落去，便发现好明显系焗得唔够耐，Ｄ意粉好似放
平时放工成日都见呢间餐厅的大头公仔宣传，今日终于「有幸」光顾，真系一试便知濑野！
其实一间食肆的人客数量，或多或少都反映到其质素，这间大巴黎，初时仲以为系同小巴黎一对系食越南野的。八时左右的黄时间，只得大约一半的满座，我当时都心知不妙，只系真的估唔到咁不堪而已。
待应系唔会带你去边张枱的，我同女友便好似去快餐店咁求其揾张枱吧，反正都大把吉枱，但坐左好耐都未有清水俾你。
都算了，于是点餐点了一客鹅肝ＨＡＭ的凯撒沙律和一客焗吞拿鱼鲍片意粉。餐汤点了一红一白，但跟汤的面包却欠奉，只得两碗汤俾我地，就连汤碗下的碟都冇，见到枱面上的两碗「孤单的汤」我同女友都真系打左个突！
都算了，只要汤好饮就得，白汤过得去，红汤女友喝了两啖便唔饮了，事后佢话好似沟左水咁淡而无味。
都算了，可能主菜好味呢！先来个凯撒沙律，顶！如果唔系我记得叫咩，仲以为佢黎的是前菜，只碟细不特止，蔬菜份量自然少得可怜，所谓的鹅肝就大家去食ＬＵＮＣＨ ＢＵＦＦＥＴ的果Ｄ下价肝鹅ＨＡＭ，得三片之余，旧鹅肝仲要有点苦苦地咁。
都算了，跟住好快便黎埋我的焗意粉，但一拮落去，便发现好明显系焗得唔够耐，Ｄ意粉好似放入碟度求其「叮」几分钟便上枱咁，叫会意粉可能会更贴切！面头的芝士都来得孤寒过人，真系俾得果少少，讲真茶餐厅焗饭都比佢「重料」好多！吞拿鱼预左佢系罐头，但都应该整得碎点先至舖上Ｄ意粉上面吧！至于那些鲍片。。。都系算罢啦！
食物方面真系感觉唔到有诚意，服务方面都不惶多让，一如其他食评，侍应好似「游魂」咁，心不在焉，送来的食物名称都是叫错的，柠水叫左柠茶，咖啡又叫左可乐。成间舖的人客不算多，其实都可以提供一个较静的环境俾人倾下计，但系这里的几个侍应偏偏又起喜欢高谈阔论，围埋一堆晌度玩同谈笑，变左全餐厅最嘈、最骚扰的反而系佢地了。
如果呢间餐厅的负责人见到呢篇文，请留意下贵店的食物同员工质素，否则，你个大头公仔派几多传单都系冇用的！
张贴