影片
更多
2013-08-29
799 浏览
第一次嚟古法烘焙试嘅产品喺佢啲特色鸡蛋仔，见不少食友都赞啲鸡蛋仔，而荃湾区都喺小弟常到嘅地方，无理由唔走过去试吓架，而𠮶次已感受到佢老细Eric对做鸡蛋仔嘅热诚同用心；除鸡蛋仔，仲见佢有唔少别出心裁嘅烘焙产品，所以第二次就喺陪老婆嚟买几款盒装特色酥饼，作为佢升职请同事食嘅贺礼；其后间中都有过嚟买啲酥饼作为小礼物，送俾啲相熟食友试试，今次再嚟，点都要为番次自己喇！路经古法烘焙，本想试番牛油枫叶批，事缘上次老婆买嚟请同事食，唔好意思一早拆开盒批，所以麻烦佢留番一块俾小弟，点知拎晒返公司一块都无剩番嚟，无缘一试。可惜，今次嚟到古法，都喺试唔到，仲要死咗条心，因为停产咗，细问之下，啲枫叶批全人手做，工序又较繁复，反而销量一般般，结果咪唔再做啰，真可惜。咁见佢铺面推出咗啲「回忆之味道」马仔，共有两款味：低糖、黑糖，一盒卖$20，两盒卖$32，一于拎返公司跟同事当下午茶啦。低糖马仔因为影啲食物相缘故，偶然见到佢成份里其中一样嘢几特别，叫「苦荞粉」，小弟才疏真喺唔知咩嚟，所以上网揾揾，原来喺海拔千多米高寒无污染地方所生长嘅苦荞，经浸洗、脱壳、磨粉等精制而成，有五谷之王嘅称号，跟小麦粉混和可以用嚟做唔
路经古法烘焙，本想试番牛油枫叶批，事缘上次老婆买嚟请同事食，唔好意思一早拆开盒批，所以麻烦佢留番一块俾小弟，点知拎晒返公司一块都无剩番嚟，无缘一试。可惜，今次嚟到古法，都喺试唔到，仲要死咗条心，因为停产咗，细问之下，啲枫叶批全人手做，工序又较繁复，反而销量一般般，结果咪唔再做啰，真可惜。咁见佢铺面推出咗啲「回忆之味道」马仔，共有两款味：低糖、黑糖，一盒卖$20，两盒卖$32，一于拎返公司跟同事当下午茶啦。
低糖马仔因为影啲食物相缘故，偶然见到佢成份里其中一样嘢几特别，叫「苦荞粉」，小弟才疏真喺唔知咩嚟，所以上网揾揾，原来喺海拔千多米高寒无污染地方所生长嘅苦荞，经浸洗、脱壳、磨粉等精制而成，有五谷之王嘅称号，跟小麦粉混和可以用嚟做唔同嘅糕点、面食、包子之类，更适合三高人士，属健康食品；此外，用上麦芽糖、棕榈油嚟整，感觉点都健康啲、天然啲。
「低糖」之名果然无乱夸大呀，马仔食落真喺唔觉太甜，而麦芽糖嘅甜味嚟得较柔和，质感喺黏而不实，咬落烟韧而带点松软，蛋味亦算得上唔错。配埋食友送赠醇香嘅朱古力奶，晌忙碌嘅工作中hea一hea，真喺俾自己一个好好嘅奖励哩！
黑糖马仔比起低糖马仔，成份上少咗苦荞粉，多就多加咗黑糖，不过如果你睇佢包装，发觉只有红糖，而无黑糖二字，其实又喺一个有趣嘅误解。作为题外话，都分享少少当补充啦，其实都喺啲更识食嘅朋友讲我知。红糖（Brown sugar）一般而言泛指无经过精炼嘅蔗糖，啱啱就同白糖相对，所以，红糖嗒落较有天然嘅蔗糖香味，而唔同色泽嘅红糖都有唔同称谓，较浅色嘅被叫做黄糖，食豆腐花就常见啦，较深色嘅就称做黑糖，由甘蔗制造第一朕糖一般色泽颇深，依朕就喺黑糖，杂质较多，但营养却又丰富啲，黑糖再精炼就成为黄糖。因为都喺听朋友讲，如有错漏，请多多指教！
个黑糖马仔晌质感上跟低糖马仔无乜两样，都喺烟韧，黏而不实，不过蛋香味就无咁出，取而伐之就喺黑糖嘅清香，甜得嚟会觉得醇和多一啲，唔喺一味得个甜字𠮶种死甜。其实黑糖可塑性真喺几高，配好多食材都得，但又唔觉佢有黑糖鸡蛋仔㖞，我估都但得研究吓！
据Eric讲，将会晌尖沙咀isquare开多间分店，装修工程正进行得如火如荼，大概9月中旬左右开业，不过实际日子都仲喺待定，尖沙咀又喺小弟常出没嘅区域，OK，啱晒我到时又可以买啲烘焙产品送俾啲食友，希望佢哋唔嫌弃又喺古法烘焙啦，哈哈！
张贴
