銀咖哩 (已結業)

上次想试时, 汽水机坏咗, 食咖哩唔饮汽水点得呀? 所以上次冇食, 今次有汽水饮, 就可以试喇~买咗飞后即做的, 但可以坐埋位, 等专人拎嚟比你, 而且系open kitchen, 可以睇住厨师煮~等咗唔驶10分钟, 已经送上枱~  吉列猪扒咖哩饭配7喜呢个系人气之选, 但其实都系不外如是, 块吉列猪扒又薄, 块炸皮夹埋同埋猪扒差不多, 虽然个皮即炸, 好脆好热, 但唔系好食到猪扒个味~咖哩因为系日本咖哩, 所以系甜甜地, 唔辣的, 仲有红萝卜同薯仔, 但已经煮到烂哂, 好彩就会食到比较大粒少少, 如果唔系, 你系唔会发现佢有落红萝卜同薯仔~  炸虾咖哩饭配7喜呢个仲差过吉列猪扒, 已经贵两蚊, 但只有2只虾, 完全唔抵食, 又系炸粉厚过虾, 呢个系仲厚d, 完全系食炸粉多过食虾~