影片
更多
2019-02-25
847 浏览
攞咗米芝莲咁耐，讲咗好耐都未去食。𠮶日女朋友话想睇下新个站有几靓就顺便去食下。去到晚市劲多位，唔使好似总店咁死排烂排。嘢食选择唔多，一张纸睇晒。店员畀咗个盘我哋洗碗筷，果然真系要洗一洗。啲杯碗超油腻。酥皮焗叉烧包($23)呢个真系好好食，因为重甜重咸又脆口 ，不过食一个就够，食多一个都会好滞。下次会选择外卖净系食呢样。晶莹鲜虾饺($34)大粒又唔算大粒，新鲜弹牙又唔算做到好顶级，所以一般般啦。赛螃蟹春卷($34)以为系一啲新奇特别嘢，原来都系虾春卷加咗啲蛋白入去咁解。豉汁凤爪排骨饭($33)几粒排骨一只凤爪，连埋啲豆豉同饭同街边一般货色无分别，够晒地道口味。仲谂住先叫四样嘢食再嗌第二轮，不过味道唔系讲到咁神奇就宁愿要啲钱去出去食番个糖水。
去到晚市劲多位，唔使好似总店咁死排烂排。嘢食选择唔多，一张纸睇晒。
店员畀咗个盘我哋洗碗筷，果然真系要洗一洗。啲杯碗超油腻。
酥皮焗叉烧包($23)
呢个真系好好食，因为重甜重咸又脆口 ，不过食一个就够，食多一个都会好滞。下次会选择外卖净系食呢样。
晶莹鲜虾饺($34)
大粒又唔算大粒，新鲜弹牙又唔算做到好顶级，所以一般般啦。
赛螃蟹春卷($34)
以为系一啲新奇特别嘢，原来都系虾春卷加咗啲蛋白入去咁解。
豉汁凤爪排骨饭($33)
几粒排骨一只凤爪，连埋啲豆豉同饭同街边一般货色无分别，够晒地道口味。
仲谂住先叫四样嘢食再嗌第二轮，不过味道唔系讲到咁神奇就宁愿要啲钱去出去食番个糖水。
张贴
