影片
更多
2018-08-28
106 浏览
蟹膏汤檬、香茅猪肉捞檬、米纸虾卷系主打菜，可惜米纸虾卷系晚巿限定，食晏就试咗春卷先啦。春卷热辣辣兼香脆，零油腻，饀料多素少肉。酱汁带点鱼露的咸，微辣，够特别，令春卷更美味。香茅猪肉捞檬大大碗，肉量多，香茅味浅。檬粉有啲似米线，但比米线幼同爽口，唔会越食越滞，捞埋香叶、生菜、萝卜、青瓜同花生等配料一齐食，口感丰富。碗内已放咗捞檬汁，不妨先捞匀一转试吓味，再决定要唔要加汁。估唔到蟹膏汤檬的份量比猪檬更大。汤，充满虾蟹的鲜美，番茄的清香，唔会越饮越口渴，略嫌个汤唔够热。香叶下面嘅蒸蛋，据网友讲，蟹膏就喺蒸蛋入面。几款𩠌之中，最喜欢依次系扎肉（同喺河内买返嚟的一样味道）、豆卜（吸晒汤的精华）、猪红（够入味冇怪味）、蒸蛋同番茄。呢碗粉，适合两三个人些牙食，咁先有更多胃空间试其他菜。芒果奶昔香浓得嚟唔死甜，椰青够大只、多水兼够冻，刮埋椰青肉嚟食，多三分好味。食得开心的一餐，会再嚟试其他菜。不过呢，希望下次唔会再望到墙身有小昆虫陪食。佢哋虽然冇飞埋嚟，依然好出众喔。
春卷
15 浏览
0 赞好
0 留言
蟹膏汤檬、香茅猪肉捞檬、米纸虾卷系主打菜，可惜米纸虾卷系晚巿限定，食晏就试咗春卷先啦。春卷热辣辣兼香脆，零油腻，饀料多素少肉。酱汁带点鱼露的咸，微辣，够特别，令春卷更美味。
香茅猪肉捞檬大大碗，肉量多，香茅味浅。檬粉有啲似米线，但比米线幼同爽口，唔会越食越滞，捞埋香叶、生菜、萝卜、青瓜同花生等配料一齐食，口感丰富。碗内已放咗捞檬汁，不妨先捞匀一转试吓味，再决定要唔要加汁。
估唔到蟹膏汤檬的份量比猪檬更大。汤，充满虾蟹的鲜美，番茄的清香，唔会越饮越口渴，略嫌个汤唔够热。香叶下面嘅蒸蛋，据网友讲，蟹膏就喺蒸蛋入面。几款𩠌之中，最喜欢依次系扎肉（同喺河内买返嚟的一样味道）、豆卜（吸晒汤的精华）、猪红（够入味冇怪味）、蒸蛋同番茄。呢碗粉，适合两三个人些牙食，咁先有更多胃空间试其他菜。芒果奶昔香浓得嚟唔死甜，椰青够大只、多水兼够冻，刮埋椰青肉嚟食，多三分好味。
食得开心的一餐，会再嚟试其他菜。不过呢，希望下次唔会再望到墙身有小昆虫陪食。佢哋虽然冇飞埋嚟，依然好出众喔。
张贴
