大哥雞飯去骨海南雞 (銀幕街)

营业中

休息中

第一次去，叫咗一个Combo系招牌海南鸡拼肉骨茶，再叫多个猪颈肉喇沙。猪颈肉喇沙份量好足，味道都唔错猪颈肉唔会有猪味，煎得好香口不过就有少少红，所以有几件系冇食到喇沙嘅味道都唔错，但我个人钟意椰香，所以觉得佢争少少椰奶。肉骨茶偏甜，冇乜药材味。一碗都好多肉啲肉都好腍好入味。海南鸡以去骨食落好方便，其他地方食海南鸡好多时都会有啲生同埋有啲血迹，但系呢度就冇食得好舒服。海南鸡亦都好滑叫咗个油饭，但系唔会好似出边咁油淋淋有少少香味，所以呢个饭唔错。个餐里面仲有一碟迷你嘅菜，我其实觉得系呢一碟菜加晒分。通常啲餐厅送俾你𠮶碟菜，求其烚吓就上嚟，而且唔系硬就系冇晒味，佢呢碟菜仔虽然好迷你，但系好入味，有汤底上，非常有心。会再去试吓其他食品。不过个男侍应可以尝试俾啲笑容，木无表情好容易会令人哋觉得系黑口黑面。