AnyMomentCafé

营业中

休息中

因为一直都好钟意同朋友玩board game，听讲过呢间board game Cafe就嚟呢度试吓。一入到去真系见到好多人玩Board game同老板吹下水发现原来呢间野都开咗12年㗎啦见到有几份套餐有嘢饮有嘢食都系$119个价钱都唔错。因为有啲肚饿所以就叫咗一个是瑞士汁鸡翼食住先，个汁嘅味道真系唔错。你就一路食、一路玩、一路等主菜套餐方面我就拣咗个拿破仑肉酱烟鸭胸意粉，个汁酸酸地好开胃，上面嘅烟鸭胸肉好大好多好好味非常推介。嘢饮方面我就拣咗北海道雪人，佢系菠萝加芒果味嘅刨冰。真系好大浸菠萝味同埋芒果味唔错唔错。我另外加多左$18加雪糕我见到餐牌上话如果有17人或以上可以包成间餐厅每人$110 ，如果仲系咁嘅话都几抵不过就唔知可以包几耐到，就算净系两个钟都抵过唱K啦，又可以约一班人一齐玩游戏。游戏选择好多，而且唔识嘅话老板又好好人会教你点玩，真系唔错。