滿屋甜品 (已結業)

食完彭庆记同两个朋友决定再来这里食甜品。呢度地方几细，台亦set得几密，星期日晚系几多人食的。唔单止堂食，仲有好多人系等紧外卖的，可见都几受欢迎。三个人等左一阵至坐低，叫了几样甜品一齐吃，有焗西米芝麻布甸、焗西米芋蓉布甸、芝麻皮芒果班戟同榴梿班戟。焗西米布甸份量不大，一倨人食都系刚好，所以最后都叫多了一个芋蓉的。唔系太甜，味道不错，比较起来芋蓉比芝麻出色，但两款都已经比坊间的一般莲蓉馅底好食。唯独是要19蚊一个，价钱是有点贵；芝麻牛皮芒果班戟可分六旧，几个人食都得。里面忌廉多过芒果，芒果亦不算香甜，可幸个芝麻皮真系几香芝麻味，为这个班戟挽回些少分数。23蚊一客，又系几贵；榴梿班戟都几好味，个人觉得比芒果班戟还好，20蚊一件，都唔平。班阿姐服务都OK，但就真系几迫，佢地成日在背脊经过都会有身体接触，坐得几唔舒服，唔怪得咁多人买外卖。埋单一百元正，系有特色但唔算平。