叉燒丼家

营业中

休息中

近排成日出入新蒲岗 ，见到好多人都介绍话呢间叉烧好食 ，我就想试下呢度除咗叉烧之外仲有啲咩系好食嘅。我见到佢门面同装修都好新净，门口仲贴住咗有铁板餐嘅餐牌，非常吸引，所以我就嗌咗呢度个铁板餐试下。铁板餐嘅种类嚟讲呢度都算多款式，价钱亦都好相宜，六十零七十蚊就食咗一个餐。🍖 黑椒牛扒铁板餐呢个铁板餐嘅份量都算大份。虽然唔系啲乜嘢靓牛扒，但当上枱睇住淋汁嘅时候发出嘅吱吱声真系好自愈。 呢度特别嘅系佢会喺牛扒上面加一块小小嘅牛油，令到食落去嘅牛扒juicy啲，但系两块牛扒都有少少根位。其他配菜好似薯条，粟米，蕃茄都不过不失啦。至于呢个餐嘅罗宋汤都系正正常常，同埋佢个餐包都几大个，所以成个餐嚟讲都算抵食。