C+ Burger (已結業)

呢间burger食过几次，之前摸过几次门钉。。。。 一次原来佢休息，再有两次d鸡burger卖晒..... 可能真系冇缘。。。。 但系缘份嘅嘢，话嚟就嚟，缘份到喇特登行上两条街嚟帮衬，西营盘系山嚟， 我真系好有诚意行上山架。。。。。之前食几次都系食菠萝烟肉burger, 今次试佢个classic burger. 佢之前个菠萝烟肉burger好好味， 超juicy, 菠萝汁漏晒出嚟， 唔系滴， 系漏。。。。 好好味， 超饱由于我唔食牛，所以每次问嘅第一句都系"唔该有冇鸡？"classic burger都好好味， 生菜同蕃茄都好新鲜， 鸡burger都好好味~ 女仔食啱啱好， 之前个菠萝烟肉burger太饱， classic burger啱啱好~ 如果惊唔够饱， 可以加小食，之前食过芝士条同薯角， 佢有set, 好抵食~我下次会再试佢其他burger, 我要每款都试匀支持小店！