影片
更多
2020-10-21
145 浏览
今日晏昼 3 点几入到去将军澳想行吓, 顺便揾食, 上嚟 search 到喱间 Coffee Art, 就一于去试吓啦! 虽然店家位于商场地下门口隔离, 但人流唔多, 所以好好彩地唔使等, 量完体温消毒完对手, 店员就安排入坐了。 由于我同 P san 上昼食咗好丰富嘅早餐, 晏昼只想食个 tea 算了, 所以点咗两份 Mini All Day Breakfast, 佢有四款主菜可拣, 我同 P san 分别拣咗配英式猪肉肠同烟三文鱼。 等咗唔够 10 分钟, 食物上枱了。 Mini All Day Breakfast 除咗会配主菜外, 仲会配两片法包、 沙律菜同炒滑蛋。 先讲吓主菜英式猪肉肠, 喱个唔太突出, 不过有淡淡嘅西式香草味、少少猪肉味同黑椒味, 同一般嘅英式猪肉肠差不多; 而烟三文鱼方面, 有烟薰味而且唔会太咸, 但未算太出色。 之后就讲吓配菜方面, 滑蛋真系好滑, 所以我估店家应该有落奶去炒, 而且有好香蛋味; 𠮶两片法包, 涂咗橄榄油同少少西式香草, 有住淡淡嘅香气, 而法包外脆内软, 都几有口感; 最后亦都系我最欣赏嘅沙律菜, 店家将菜切到每一片都细细片, 好易放
由于我同 P san 上昼食咗好丰富嘅早餐, 晏昼只想食个 tea 算了, 所以点咗两份 Mini All Day Breakfast, 佢有四款主菜可拣, 我同 P san 分别拣咗配英式猪肉肠同烟三文鱼。 等咗唔够 10 分钟, 食物上枱了。 Mini All Day Breakfast 除咗会配主菜外, 仲会配两片法包、 沙律菜同炒滑蛋。 先讲吓主菜英式猪肉肠, 喱个唔太突出, 不过有淡淡嘅西式香草味、少少猪肉味同黑椒味, 同一般嘅英式猪肉肠差不多; 而烟三文鱼方面, 有烟薰味而且唔会太咸, 但未算太出色。 之后就讲吓配菜方面, 滑蛋真系好滑, 所以我估店家应该有落奶去炒, 而且有好香蛋味; 𠮶两片法包, 涂咗橄榄油同少少西式香草, 有住淡淡嘅香气, 而法包外脆内软, 都几有口感; 最后亦都系我最欣赏嘅沙律菜, 店家将菜切到每一片都细细片, 好易放入口, 再配埋佢嘅日式柚子醋, 又香甜, 又有少少酸, 好开胃, 而且菜好新鲜, 每片都青绿爽脆, 但份量就唔系太多, 但对于我哋只系想来个轻食嘅人嚟讲, 已经好够了。
Mini All Day Breakfast 英式猪肉肠
$48
16 浏览
0 赞好
0 留言
Mini All Day breakfast 烟三文鱼
$55
18 浏览
0 赞好
0 留言
店家叫 Coffee Art, 当然要点返杯咖啡试吓啦! 我同 P san 分别点咗杯, 鲜生姜蜜糖拿铁同莫卡咖啡, 都系跟餐加 $28。
喱个鲜生姜蜜糖拿铁, 顾名思义除咗咖啡, 仲有新鲜嘅生姜、 蜜糖同奶, 蜜糖店家会另上, 再由客人因应个人喜好加入, 在未加蜜糖之前先试一口, 真系有姜渣, 感觉到店家新鲜磨出嚟, 姜又唔会太辣, 只有淡淡姜嘅清香, 咖啡闻落亦好香, 可能因为系拿铁, 有大量奶, 所以唔系太重咖啡味, 再配埋生姜, 原来又几夹, 几平衡, 即使未加蜜糖, 都唔觉苦涩, 加埋蜜糖, 有阵蜜糖清香, 令喱个生姜蜜糖拿铁增加咗一点香气。
鲜生姜蜜糖拿铁
$28
13 浏览
0 赞好
0 留言
再嚟系莫卡咖啡, 朱古力同出面有分别, 可能系因为店家用上 70% 比利时朱古力调泡, 朱古力味都几浓, 而且好香, 但唔甜, 再加上咖啡, 同奶, 感觉好绵滑, 未加糖之前试咗一口, 之后 P san 加咗半包糖再试, 有少少甜味更香浓, 再加上店家喺每一杯咖啡都有不同嘅拉花, 好吸睛, 睇到已经唔舍得饮同觉得心情好愉悦。
莫卡咖啡
$28
14 浏览
0 赞好
0 留言
食完嘢, 我哋喺店入面, 边坐边叹咖啡, 坐咗半个钟左右离坐。 店面装潢简约, 有落地大玻璃窗面向街外, 但可惜当日未能被安排坐喺窗边, 但店家嘅氛围令我哋喱啲平时生存喺好紧张环境嘅香港人放松, 系难得一间喺商场入面嘅 cafe。
张贴
