嵐橋日本料理

营业中

休息中

一个成日中伏嘅朋友话之前系尖沙咀食过间几好嘅日本料理，要带我去试下，即管睇下佢带我食咩好西😏🔸养殖大拖罗 / 油甘鱼腩 / 牡丹虾刺身🔸粉色超厚大拖罗，鱼肉纹理好靓冇咩筋，入口溶化出啖啖鱼油香🤤油甘鱼腩𠝹晒花卖相一流，同样系鱼腩部位，但肉质爽身😳牡丹虾大大只而且好鲜甜爽口，捞埋虾头膏食正到癫😍三款刺身都好新鲜👍🔸帆立贝寿司 / 深海池鱼腩寿司🔸帆立贝超厚身，味道鲜甜✨深海池鱼口感柔软，好有鱼味，配上赤醋饭寿司，更有层次感～🔸厚牛舌 / 蕯摩赤鸡肾 / 田乐烧豆腐🔸烧物必选既烧牛舌🤤好有牛味，啖啖肉咬落好香口～赤鸡肾好爽口，加上少少七味粉，辣辣地好过瘾～个人最爱田乐烧豆腐，外脆内软配上味噌酱，有d似臭豆腐食法，够晒惹味😋🔸安格斯肉眼寿喜烧🔸牛肉选用安格斯肉眼，唔会太多脂肪而且唔韧有肉味🐂另外仲有冬菇、豆腐、金菇、半熟蛋、薯粉等，食材非常丰富，尤其蔬菜同薯粉吸满寿喜烧汁，简直无得顶！朋友今次无介绍错，呢间日本餐厅食材高质，用料新鲜，而且食物款式多，实在一次试唔晒，揾次再encore去食其他野～