五匠六釜

营业中

休息中

见到启德体育园开幕，就去左启德行下，喺Airside揾到有间京川沪菜馆，主打北方同四川菜，啲味道几正宗，价钱亦都合理。四川担担面 $52呢个价钱嚟讲真系好抵食。面条烟韧，汤底非常浓郁，带少少花生香气同埋微辣，啱啱好唔会太辛辣，仲有啲肉碎提味，简单但好满足。泡椒田鸡 $98呢个真心推介。田鸡肉质非常嫩滑，完全无腥味，酱汁浓郁得嚟又唔会过咸，泡椒嘅酸辣味好开胃。配埋啲莴笋同云耳，令成个菜更加丰富，有脆有嫩，口感一流。葱爆牛肉 $86牛肉炒得嫩滑，仲好有镬气，𠮶阵香味劲似干炒牛河，简单又够惹味。百香鲜柠茶 (700mL) $28呢杯真系超级大杯，百香果嘅香甜同柠檬嘅清新味道完美结合，酸酸甜甜，非常解渴，价钱仲要平，真系冇得输。