THE BOTTLE & STEAK

营业中

休息中

西营盘开左好多餐厅，行入内街成日都会发现到好多特色餐厅。今次呢间餐厅系用啤酒做招徕 佢成幅墙都放满啤酒，任君选择。如果你又想饮，但又唔太分啤酒种类，餐厅既职员都好耐心介绍比你架~ 而且佢地唔收加一，所以性价比几高下架～我地6点松d入座，去到7点未够已经full晒，劝大家book book位先好去啦～挪威三文鱼玫瑰（$58）：同出面一般既烟三文鱼差唔多，冇乜特别，不过胜在份量都几多下既墨西哥脆辣鸡翼锤（$68）：呢个鸡锤外脆内软，好juicy，只有少少辣，d汁啱啱好挂上鸡槌，所以冇一般水牛城酱汁咁咸，食得多都唔会腻美国安格斯牛板腱扒（$128）：块牛扒几大块下，佢地preset系5成熟，肉质啱啱好，一d都唔韧，唔点酱汁都好够肉味。至于个薯条都值得一赞，厚切薯条炸得外脆内软，好够香口😋法式油封鸭腿（$128）：只鸭髀层皮煎得好香脆，我略嫌鸭肉韧左少少Mateus Rosé （$68折）：呢支白酒细细支，啱晒一个人饮，入口好香甜，啱晒女仔饮