香馥樓

营业中

休息中

因为中秋节太忙，今晚同屋企人补食中秋节饭，揾佐呢间酒家，应该系新开嘅，光猛宽落。 带位入去即刻见姐姐摆左青瓜云耳作开胃小食，茶有热座烘住保持温度，又有毛巾抹手，几好，宜家都好少呢d喇。酥脆炸秋葵 外表炸得香口，脆浆够薄，秋葵有啲黏口，炸蒜粒好脆，味道好浓。片皮鸭二食 一食：片皮鸭好脆带油分，用蛋皮取代薄饼包片皮鸭够特别，蛋皮薄身香甜，唔好漏咗加爽脆青瓜丝、京葱同甜酱。鸭崧生菜包 二食：生菜新鲜爽脆，包啲由鸭肉、萝卜粒、西芹粒、腰果碎炒香嘅鸭崧，美味可口。咕噜凤梨黑毛猪肉 外脆带甜，里面嘅肉软腍，凤梨甜滑无渣。榄仁鲜蟹肉粉丝煲 蟹肉几滑，粉丝爽口，落少少花椒油，味道提升，带麻香同微辣感。最后饮杯蝶豆花水帮手解下腻，屋企人都觉得呢间唔错，以后当屋企“饭堂”