潮樂園 (京街) (已結業)

潮乐园今日游完一日车河，四围啲餐厅都闩晒门，咁个朋友就车我地系铜锣湾附近揾野食啦。行行下入左去大坑，兜咗个圈发现有间卤水鹅饭好似几正咁，我地二话不说即刻入去买外卖上车食。潮乐园唔算好大间，但地方都打理得好干净。而呢间吸引我地食既原因系佢个卤水汁真系好香，远处已经闻到带少少药材味既卤水味。等紧既期间见到前面既人叫既拼盆，都可觉用料几好，睇得出师傅好有功架。咁我地就叫咗几盒几拼饭上车食。卤水鸭拼鹅肾饭。首先讲咗个卤水汁先，味道调教得啱啱好，唔会得个咸字，反而入口有淡淡既药材味，非常特出，好好食。而鸭肉方面都好嫩滑，肉味好浓郁，不过就会有骨，唔想有骨既朋友可以拣鹅片。鹅肾好大片，咬落亦都好爽口，成个饭都好食。而朋友就叫咗鹅片，肉味同油脂感都更丰富。随餐亦都附送一碗紫菜汤，好正呀。大家经过一定要试下佢。