風車

营业中

休息中

星期五系大围放工放二点，老公咁啱放半日，又累又饿，就系大围附近食。上OpenRice 一揾见呢间好评咁多，价钱又唔贵就即管试下。我地简左两个lunch set share。先上餐汤，味道浓郁。但我钟意沙律菜多d,因为佢一d都唔孤寒，好多醋，好好味主菜黎啦，第一个上系照烧鸡肉脆猪。坦白讲未黎之前无期望。点知一切就知同其他之前唔同，因为真系够晒脆，一切就开，唔会韧。鸡扒亦好滑，而且入面个块芝士好浓味，连薯条都外脆内软，真系喜出望外。第二道系宝云酥焗鱼柳，讲真连麻麻鱼既我都爱上佢。上网google 下先知宝云酥系法国菜既煮法。即系食材上面加上芥末酱、面包糠同香草来焗香，从而增加食物既层次感，做到外脆内软鱼亦非常软滑。如果下次再有机会，真系想再试宝云酥焗其他食材。最后，加埋一杯冻饮，同性价比高既价钱，为这个星期辛劳的工作划上一个句号。