棠記茶餐廳

营业中

休息中

去到索罟湾见到间间都系中式酒家，冇咩期望之下走入呢间餐厅，发觉喜出望外。我地三个人叫左三样野。天时暑热，先黎杯冻柠蜜。真不错，柠檬同蜜糖比例相当好，又够大杯。干炒鸡丝乌冬：够镬气，够惹味。鸡丝肉质够滑。不过较为油腻，女士们要小心卡路里。男士们不妨试试。生牛肉汤米线：牛肉够多，汤底又热又清甜。多士餐：18蚊有牛油多士两件，司华力肠数件，煎双蛋。最欣赏系厨房煎功，洽到好处，唔会太㶶，又唔会唔够火喉。不过最弊系呢间野好多人等。我地下午四点半，三个人去，都要等左一阵先有位。不过算啦，谂起佢个肠仔又唔会煎到干晒，就估到厨房用心制作嘅诚意。排队等下都值得。