Amitie Kitchen (已搬遷) 新店位置

无意中揾到呢间餐厅，平日晚饭时间人流不多，我用餐时只有四台客，所以都坐得好舒服。食物质素令我喜出望外！每一道都系即叫即煮，所以要有心理准备系慢食，但慢工出细货，我觉得绝对值得等！如果好肚饿都唔洗惊，佢先嚟会有餐前饱，图中三款都好好食，又暖又有少少喊味，最钟意黑色𠮶款，比较特别同脆口。依家唔多餐厅有蟹饼食了，一见到呢到有，二话不说叫左，外面煎脆左，入面系一丝丝蟹肉，当餐前小食!另外都系蟹，软壳蟹沙律如图，成只蟹挞喺沙律上面，好足料，只蟹又唔会炸到油淋淋，沙律酸度配合蟹一齐食刚刚好。海胆意大利面就普普通通，餐厅职员有温馨提示要趁热食，否则个汁同海胆变得结身同好漏，热食时都好食嘅，但主观觉得唔够餐前菜好食。见到蛋糕柜好吸引，吃货忍唔住又好想试，于是叫左Earl Grey 味同Apple Crumble Cheese Cake, 唔甜但有浓浓Earl Grey 味，另一件都好特别Apple Crumble 味但口感变左cheese cake, 仲要劲大件，超满足嘅一餐！