影片
更多
2022-01-27
1590 浏览
深水埗卧虎藏龙美食处处，问题系你识唔识得去揾，有间食点心喺界限街同基隆街交界，唔系大街大行唔系旺区，则边布行整车造胶片，门口细细行过咗都唔知原来里面系食点心。见到门口咁多签名，先好奇望一望发掘左一间食店。一入到去铺仔细细，有啲似添乜运格局，茶钱唔系贵，品质仲好过啲屋邨酒楼。试菜食基本野，虾饺烧卖牛肉球少不了。因为肠胃有限，叫得唔太多。虾饺爽口弹牙皮薄仲有少许笋，唔咸唔淡味道适中，食完都无口渴嘅感觉，如果多番少少汁就完美，老实讲，净系呢个虾饺已经赢过大部份大酒楼。虾肉烧卖就食到猪肉切粒而唔系绞碎猪肉，除咗头先所讲嘅鲜虾味，呢个猪肉味非常出，肥瘦比例啱啱好。不过干蒸烧卖就非常失望，好大梳打粉味，食落有乸口嘅感觉，而且无牛肉味，好彩系叫鸳鸯，都系输咗两粒烧卖啫。至于个黑松露百花鱼肚，都系啲gimmick野，当然系食唔到黑松露味，几廿蚊食两块野，性价比就差咗啲。另外值得推介就系脆皮虾肠粉，简单来讲就系鲜虾腐皮卷外边包个肠粉皮，估唔到有几好食。我喺第度食𠮶啲变种，就系用炸两包住个虾饺，口感同呢一个争好远，始终用腐皮簿啲好食啲。至于个煎酿茄子系用虾胶做，不过虾饺无调味，唔系好够味。食食吓听到啲人话
一入到去铺仔细细，有啲似添乜运格局，茶钱唔系贵，品质仲好过啲屋邨酒楼。试菜食基本野，虾饺烧卖牛肉球少不了。
因为肠胃有限，叫得唔太多。虾饺爽口弹牙皮薄仲有少许笋，唔咸唔淡味道适中，食完都无口渴嘅感觉，如果多番少少汁就完美，老实讲，净系呢个虾饺已经赢过大部份大酒楼。
虾肉烧卖就食到猪肉切粒而唔系绞碎猪肉，除咗头先所讲嘅鲜虾味，呢个猪肉味非常出，肥瘦比例啱啱好。
不过干蒸烧卖就非常失望，好大梳打粉味，食落有乸口嘅感觉，而且无牛肉味，好彩系叫鸳鸯，都系输咗两粒烧卖啫。
至于个黑松露百花鱼肚，都系啲gimmick野，当然系食唔到黑松露味，几廿蚊食两块野，性价比就差咗啲。
另外值得推介就系脆皮虾肠粉，简单来讲就系鲜虾腐皮卷外边包个肠粉皮，估唔到有几好食。我喺第度食𠮶啲变种，就系用炸两包住个虾饺，口感同呢一个争好远，始终用腐皮簿啲好食啲。至于个煎酿茄子系用虾胶做，不过虾饺无调味，唔系好够味。
食食吓听到啲人话啲萝卜糕好正，就叫一碟嚟试吓。食落就唔系好啱我口味，因为我钟意食𠮶啲萝卜糕系用萝卜丝而唔系萝卜条做，同埋有落胡椒粉，另外啲材料系要用豉油爆香，以上三点佢都无，所以揾到啱我食嘅萝卜糕都好困难，不过客观讲一句，佢好食过外边啲大集团做𠮶啲萝卜糕。
最后买单180左右，喺深水埗来讲未算便宜，不过以质素来讲，呢个价钱系值。
张贴
