嘆撈

营业中

休息中

其实黎食呢间「叹甜品」食过好多次！主要系多款好食仲好可爱🐱🐱呢间甜品铺并无真猫猫 但碟上会出现喵喵图案，每只碟都系店员亲手画，每碟都唔同！So far 食过禁多次都无见过同款，少啲创意都唔得！窝夫类既甜品会附上可爱猫图案🐱如果心情唔好食甜品见到呢啲，心情会好治愈！窝夫味道都试过几款，蛋味浓郁，配料丰富！炸烧卖，基本每次黎都会叫既食物！炸到外表脆卜卜，加上椒盐粉及酸辣酱！正👍🏽每次同朋友黎食都必叫！但要小心既系，每次都系新鲜炸起，要小心热喔😃瑞士鸡翼食过两次，都好入味！连条骨都入埋味👍🏽又唔会好咸，调味刚好🤤🤤加上肉质好软淋，无雪藏味！赞饮品都做得好出色，饮左oreo曲奇奶昔！不得不赞😂曲奇味浓！钟意cream 既人士会好钟意呢杯野！仲叫左芒果小丸子！小丸子烟韧有咬口😋将芒果打成蓉奇埋芒果粒，成个甜品好浓既芒果味😋食得好开心😃整体黎讲，食物系好好食，唔系我都唔会食禁多次啦😏只系环境有待改善，我明白香港寸金尺土，但坐位真系好逼近，呢方面不太好之外，店员都好友善！有次生日同朋友庆祝食甜品就黎左呢间，明明阻住左收铺都无赶我地走仲好友善禁招呼！呢种待客之道唔系度度地方都有👍🏽👍🏽👍🏽👍🏽