割烹 櫓杏 (iSQUARE國際廣場)

营业中

休息中

𠮶日同男朋友喺iSquare𠮶度行吓行吓就见到呢间割烹 橹杏，佢就话揾日过嚟试吓。点知今日佢就突然叫我穿靓裙去食饭，原来佢book咗位带我嚟食。一入去服务员带我哋入位，然后好细心嘅介绍Menu，我哋就单点咗呢几样。 呢个炒辣味熊本黒毛和牛辣度啱啱好，个牛好入味，食落去好开胃，我同男朋友都食辣嘅，所以呢道菜好啱我哋嘅心水，口感一流！ 仲有我好钟意食嘅呢个橹杏特制火炙鲭鱼棒寿司配海苔，个鱼嘅鲜甜味，氹氹嘅火烧味，配埋醋饭，同埋脆脆的海苔，一啖食落去，哇~人间美味！接落嚟，我哋叫咗脆青椒配豚肉味噌，香喷喷嘅味噌味肉碎，炒得够入味，加上脆脆的青椒，爽口咸香！最后我男朋友自己DIY拿海胆可乐饼配上佢哋嘅自家熏制芝士。佢呢个芝士系佢哋自家熏制嘅，个奶香味好浓，非常之香；海胆可乐饼，外皮炸到黄金酥脆，个馅可以食到海胆嘅鲜味，冇谂到呢两道菜咁搭嘅，好香好食。