Gram Cafe & Pancakes

营业中

休息中

Gram之前已经食过两次，佢地嘅梳乎厘班戟够松软又多款拣，今次见佢新出左个而家大热嘅火山流浆班戟，就算外卖都可以做倒流浆效果，忍唔住又再帮趁。外卖蛋糕都系独立包装。意大利芝士蛋糕班戟($118) - Tiramisu班戟因为万圣节仲多左鬼魂装饰，非常可爱。朱古力蛋糕同吉士酱梅花间竹，蛋糕唔会太干太硬，朱古力味都几浓。紫薯火山流浆班戟($118) - 紫薯班戟个紫薯浆系分开盒装，外卖时侍应特别提醒食之前先将紫薯浆淋上蛋糕面。一拎开围住蛋糕嘅胶片，紫薯浆就流晒落黎，因为加左紫薯浆，所以蛋糕除左好香紫薯味，仲比较湿润同饱肚。蛋糕面有好多杂果，可以话睇得又食得。