京笹居酒屋

营业中

休息中

今日同女朋友到我哋平时都好钟意食嘅一间日本人开嘅居酒屋餐厅。点解我哋咁钟意食就系因为佢可以做到日本嘅质素而且价钱一啲都唔贵，一个午餐都系六$70左右，仲要系卖相味道系日本嘅食店水平一样。而我哋今日就叫咗牛肉寿喜烧定食$72，套餐包括白饭面豉汤，寿喜烧都系系一般嘅日本餐厅都可以食到，但系呢个嘅味道就做到好日本，味醂刚刚好唔会令到成个寿喜烧好甜，牛肉份量亦都好多而且质素唔系普通货牛味好浓郁，咁样就加咗京葱，芋丝，菜，金菇等等，仲有只生蛋俾你去点，一个人食够晒，非常之满足另外我哋仲叫咗一个鸡扒定食$63， 卖相非常之靓，炸过嘅鸡扒上面加咗萝卜蓉做点缀非常之美观，净系睇已经够好，同鸡扒本身都好新鲜，我鸡扒配有椰菜丝，沙律酱，同埋一个佢哋自制嘅鸡扒酸辣汁，要呢个价钱食到呢个质素真系揾唔到喺香港。最后我哋都食净少少鸡扒因为份量真系好多，虽然佢哋真系煮得好好食。要喺香港租金咁贵嘅地方可以食到咁平质素咁好嘅餐真系好难，仲要系食到日本嘅质素同味道就更加之难，所以要特别推介一下呢间餐厅。