影片
更多
2024-04-25
4213 浏览
又到开心星期四放假喇喂！晏昼先同朋友叹个靓茶再同老婆大人一齐去剪头发扮靓靓。就喺荔枝角做嘢嘅朋友所以约咗喺好食又方便嘅大公馆叹茶。都唔系第一次嚟不过呢道古色古香嘅装修又真系几鬼靓，仲有好多好靓嘅摆件地方靓嘢食都会加分啲。朋友未到叹杯靓茶食住个前菜烤麸等，唔好以为餐前小食好hea啊呢个烤麸好入味口感好得㗎。四个人指手画脚咁叫咗啲点心一齐食！呢个黄椒酱鳕鱼饺好好味，不过如果你同我一样唔食得辣就千祈唔好食面头嘅黄椒酱，其实个酱先至系灵魂但系辣度实在唔惹少！我都系交俾老婆大人帮我搞掂佢。跟住呢个金瑶菠菜苗龙虾饺就温柔好多喇！烟烟韧韧嘅饺皮入面有爽口弹牙嘅龙虾仲有滑嘟嘟嘅菠菜苗，有鲜味又有菜嘅甜味呢个饺好食㖞。不过呢粒黑鱼子流心鹌鹑蛋烧卖仲顶瘾！烧卖入面有一粒鹌鹑蛋当然唔系以前茶楼实的的𠮶啲啦！咬开之后入面系只流心嘅鹌鹑蛋，食落去除咗有肉香仲有蛋香，加埋黑鱼子嘅咸香呢粒烧卖真系好鬼和味。我兄弟姊妹多细个饮茶想食灌汤饺好难喇！不过有质素嘅灌汤饺而家都唔系周围食到，大公馆呢个瑶柱冬蓉灌汤饺我系有信心嘅。灌汤饺外皮唔会好厚入面除咗冬瓜蓉仲有好鬼鲜味嘅江瑶柱，加埋个清甜上汤呢个灌汤饺我钟意㖞。嚟呢度梗系
就喺荔枝角做嘢嘅朋友所以约咗喺好食又方便嘅大公馆叹茶。
都唔系第一次嚟不过呢道古色古香嘅装修又真系几鬼靓，仲有好多好靓嘅摆件地方靓嘢食都会加分啲。
朋友未到叹杯靓茶食住个前菜烤麸等，唔好以为餐前小食好hea啊呢个烤麸好入味口感好得㗎。
四个人指手画脚咁叫咗啲点心一齐食！呢个黄椒酱鳕鱼饺好好味，不过如果你同我一样唔食得辣就千祈唔好食面头嘅黄椒酱，其实个酱先至系灵魂但系辣度实在唔惹少！我都系交俾老婆大人帮我搞掂佢。
跟住呢个金瑶菠菜苗龙虾饺就温柔好多喇！烟烟韧韧嘅饺皮入面有爽口弹牙嘅龙虾仲有滑嘟嘟嘅菠菜苗，有鲜味又有菜嘅甜味呢个饺好食㖞。
不过呢粒黑鱼子流心鹌鹑蛋烧卖仲顶瘾！烧卖入面有一粒鹌鹑蛋当然唔系以前茶楼实的的𠮶啲啦！
咬开之后入面系只流心嘅鹌鹑蛋，食落去除咗有肉香仲有蛋香，加埋黑鱼子嘅咸香呢粒烧卖真系好鬼和味。
我兄弟姊妹多细个饮茶想食灌汤饺好难喇！不过有质素嘅灌汤饺而家都唔系周围食到，大公馆呢个瑶柱冬蓉灌汤饺我系有信心嘅。
灌汤饺外皮唔会好厚入面除咗冬瓜蓉仲有好鬼鲜味嘅江瑶柱，加埋个清甜上汤呢个灌汤饺我钟意㖞。
嚟呢度梗系要食返个样可爱到不得了嘅黑毛猪咸水角！咸水角个皮几香脆入面嘅馅系用黑毛猪肉，食落𠮶朕肉味梗系浓香啲。
饮茶食肠粉是常识吧！我哋就叫咗口感丰富啲嘅龙皇脆米肠粉，又薄又滑嘅肠粉皮包住脆米同埋虾肉，入口先系滑嘟嘟然后又脆卜卜咁好过瘾。
不过讲到今日嘅惊喜肯定系呢条麻辣鸭红鸡丝春卷！谂都冇谂过麻辣鸭红可以做春卷馅，食落去有小小嘅辣味但又脆卜卜咁，呢个口感同埋味道又真系几得意㖞。
最后叫咗两个甜品点心！呢个系金沙冬蓉手袋酥成个手袋仔咁好鬼cute，酥皮入面原来系咸蛋黄冬瓜蓉，食落咸咸甜甜嘅味道都几吸引㗎㖞。
嚟呢度饮茶金箔怀旧芝麻卷系唔可以唔食嘅！入口又爽又滑仲有劲浓嘅芝麻味真系好鬼正。
张贴
