Café Muse (已結業)

中秋节翌日，阿爸去志莲，我同阿妈唔去，于是去TST食野行街。之前听亲戚介绍话cafe muse ge semi buffet不错，于是就去试吓。当日朝早打去留位都仲有位。大约一点多去到，九成满座，非常多人。由于人太多嘅关系，成间餐厅都嘈到好似街市咁，连倾偈都有困难。隔离枱嘅女人仲话嘈到咩心机都无，嗱嗱声食完就走。我点咗烟三文鱼什菌扁意粉，阿妈就要杏汁龙利柳。先出去攞前菜，其实只得沙律菜，一d都唔吸引。甜品就有桂花糕、椰汁糕等，都唔吸引。反而汤就好吸引到我，有中汤同西汤。中汤系冬瓜汤，西汤系忌廉粟米汤。中汤超正，煲得好够火候，无味精，所以我饮咗5碗！烟三文鱼什菌扁意粉味道ok, 不过偏淡。扁意粉软硬度适中，但始终味道太淡。意粉都系隔离deli & wine 好食好多。阿妈个杏汁龙利柳就偏咸。环境真系好嘈，我地食完都嗱嗱声走。