Simplylife Bakery Cafe

营业中

休息中

假日嚟到又一城，真系好多人！今次拣咗呢间餐厅都等咗差唔多半个钟。因为有六个人嘅关系所以俾咗两张细圆枱我哋，座位舒适度嚟讲就真系差啲啦，嘢食唔系好够放之余，亦都好难share嘢食。是日餐汤系粟米汤，饮落去又粒粒粟米响入边，都算几足料。个包就略嫌有啲硬。车厘茄蟹肉手飨扭纹粉呢个味道唔错，佢食落去一啲都唔咸，而且食到蕃茄蓉入边，酸酸地咁几开胃，系意粉份量比较少，不过佢都几有咬口，唔错。烟肉鸡蛋薄饼食落去唔系好似卡邦尼既味，系蛋黄汁加烟肉加蛋嘅味道混合，薄饼底都算脆，中间只蛋有小小流心系加分位。焦糖香蕉法式多士•烟肉•枫糖忌廉焦糖味几香，加上多士都几脆口，连埋枫糖忌廉一齐食都几好味！不过就食唔惯烟肉配多士，咸咸甜甜感觉麻麻布里芝士牛肉汉堡 伴薯条牛肉汉堡味道就普普通通，牛肉就有啲干身啦，反而薯条就炸得唔错。加配嘅香蕉批都几好味，食落去咁乌市嘅顺滑，而且有淡淡嘅香蕉味，个挞皮几松脆，唔错冰茶、热咖啡佢哋啲餐饮要加钱，如果唔想加钱嘅就系饮冰茶，味道都OK，但系要饮咖啡就要加钱，感觉有啲唔抵。呢间餐厅嘢食算系OK，不过如果多人嚟就唔建议啦，因为座位麻麻，而且等野食时间都比较耐，唔太建议假日过嚟等位。