咖吔

营业中

休息中

今日放假，去左沙田睇早场，睇完戏揾地方食野，去左好运中心嘅Kaya咖吔，系一间食新加坡菜嘅餐厅。餐厅入边光猛，有卡位坐，今日唔算多人，我哋两个佢都俾咗卡位我哋。个经理笑容满面，又有礼貌，赞！两个人叫咗四样嘢食：槟城虾面 $78碗虾一拎埋黎，一阵虾香味扑鼻而来，上面真系有几只虾，唔系虾米，系真虾，食落去无霉嘅感觉，豆卜朔晒汤香味，超级好味！跟餐手工拉茶 $6呢个槟城虾面系午餐，所以可以跟餐叫野饮，手工拉茶比较重奶味，但唔甜，最怕甜到入唔到口嘅奶茶，呢杯甜味啱啱好！马拉盏炒通菜 $82份量适中，有马拉盏嘅香味，但唔会喊到不停饮水，啲菜好新鲜，无炒过龙。班兰咖央多士 $36多士够香脆，咖央味道唔错，入面仲夹左一大块牛油，好香牛油味，两个人share一碟啱啱好，唔会太腻。参峇酱烧猪颈肉 $92到我期待嘅猪颈肉，猪颈肉每块都唔厚，外面脆，里面多汁，点埋佢个酱汁就更加好味，令成旧猪颈肉味道提升唔少。