影片
更多
2020-12-09
1692 浏览
想当年「米走鸡」仲未开分店嘅时候，我已经系长沙湾店嘅座上客，但反而有分店之后就只系帮衬过一次。天气开始凉就想打边炉，呢晚放工就同朋友去咗观塘The Wave店食晚饭🥢。楼层面积好大，即使场地划分两间餐厅，座位数量都仍然好多。环境正正常常，卫生方面亦几好，起码地下唔湿同埋碟边无痴笠笠👍🏻。餐厅以芝士鸡煲起家🧀，不过朋友惊漏，所以呢日食咗麻辣鸡煲。其实两款招牌以外，仲有好多其他锅底，例如皮蛋芫荽汤同沙嗲汤等。食物定价中等，但就系巨无霸份量，所以计番都抵😛。餐厅上菜速度快，所以所有嘢可以同一时间食。火焰麻辣鸡煲($168/小)，店员送上鸡煲时，叫我哋唔好打开盖，等佢焗一阵🍲，估计系因为落咗酒，免得挥发晒。因为咁样先至可以等店员嚟捞汁点火时，做到火焰嘅效果🔥。🐔细鸡煲超足料，鸡件有好多件，件件都好滑，而且极少骨❌🦴(更加冇碎骨)，啱晒我呢个懒人食。另外仲有好多配料，包括辣椒干、洋葱、中芹同芫荽，有呢啲食材令到鸡煲更加香口。辣度有得拣，我只系拣咗一只辣椒🌶️，点知愈食愈辣🥵，我顶唔顺喇！！！幸好店员姐姐劲好人为我送上冰水，咁我先食得到落去咋，不过其实啲鸡真系几好食😋，入味兼肉嫩。⚠️留意番，唔食得辣
想当年「米走鸡」仲未开分店嘅时候，我已经系长沙湾店嘅座上客，但反而有分店之后就只系帮衬过一次。天气开始凉就想打边炉，呢晚放工就同朋友去咗观塘The Wave店食晚饭🥢。
楼层面积好大，即使场地划分两间餐厅，座位数量都仍然好多。环境正正常常，卫生方面亦几好，起码地下唔湿同埋碟边无痴笠笠👍🏻。
餐厅以芝士鸡煲起家🧀，不过朋友惊漏，所以呢日食咗麻辣鸡煲。其实两款招牌以外，仲有好多其他锅底，例如皮蛋芫荽汤同沙嗲汤等。
食物定价中等，但就系巨无霸份量，所以计番都抵😛。餐厅上菜速度快，所以所有嘢可以同一时间食。
火焰麻辣鸡煲($168/小)，店员送上鸡煲时，叫我哋唔好打开盖，等佢焗一阵🍲，估计系因为落咗酒，免得挥发晒。因为咁样先至可以等店员嚟捞汁点火时，做到火焰嘅效果🔥。
火焰麻辣鸡煲
$168
31 浏览
0 赞好
0 留言
特级雪花肥牛
$158
21 浏览
1 赞好
0 留言
哈哈虾中宝
$63
24 浏览
0 赞好
0 留言
哈哈虾中宝($63/半份)，我见个名咁特别就嗌嚟试下。原来系虾胶包住原只虾🦐，上面再加啲蟹籽。无论虾胶定虾肉都同样弹牙，口感好正，所以廿蚊一粒其实唔算贵！
虾中宝超大粒，比鸡蛋🥚或者粟米更大只，一啖一定食唔哂。
竹笙墨鱼滑
$48
36 浏览
0 赞好
0 留言
竹笙墨鱼滑($48/半份)，竹笙入面包住墨鱼滑🦑，组合好新奇！两样嘢我都钟意食，依家简直系一石二鸟。四条份量不多不少，啱啱好。
粟米
$20
24 浏览
0 赞好
0 留言
生菜
$24
13 浏览
0 赞好
0 留言
竹蔗茅根
$68
41 浏览
0 赞好
0 留言
每人收$16酱油费🧂，店员一开始就会拎个调味架畀我哋自由拣取。
总括嚟讲，米走鸡真系好出色🤤，每一样食物嘅质素都好有水准！$300人均消费唔系特别平，但呢度就真系畀足嘢你食，而且食材系靓料。依餐晚餐令人满意，唯一可挑剔嘅地方就系通风一般，食完个身都几大浸味🙈。
张贴
