影片
更多
2024-01-06
246 浏览
经过上次食到冰凉面包嘅餐蛋治后，深深不愤，决定再去百分百食餐蛋治烘底做早餐，时间系朝早10点半左右，但餐厅入座率，目测有九成满，对于一个有10多座楼嘅屋邨，而且可以提供堂食早餐嘅食肆多达10间咁多嚟讲，加上时间系接近午市时间，可想而知呢间餐厅系几咁受欢迎。上次食嘅餐蛋治时，块面包系冻冰冰，今次醒目加$2烘底，口感完全唔同哂，而且每件三文治唔单只蛋够厚够滑，餐肉亦有两块方罐火腿午餐肉，而且厚度亦适中，唔会太薄，面包系厚身面包，所以如果细食啲嘅话，真系可以当午餐。而最重要系每件三文治都好贴心咁用一张厚身牛油纸垫底，可以好斯文、好优雅咁拎起件三文治嚟食，食完唔会只手有油之余，仲唔会跌到周围系，呢方面绝对要加分，所以个楼面畀支叉我（见三文治上方）算系多余嘅，莫非佢唔想畀人话我无叉用？哈哈！奶茶，我喜欢落啡糖去调味，味道好过用砂糖，茶嘅浓度适中，我好怕饮过浓嘅奶茶，因为会带苦味，滑度亦足够，而且带有微微茶香，又无酸味（你比较过大家乐嘅奶茶就知我讲乜啦），唔错。埋单计都只系$35，咁嘅食物质素，如果有得拣嘅话，仲使乜帮衬两大一美，或者太兴？
上次食嘅餐蛋治时，块面包系冻冰冰，今次醒目加$2烘底，口感完全唔同哂，而且每件三文治唔单只蛋够厚够滑，餐肉亦有两块方罐火腿午餐肉，而且厚度亦适中，唔会太薄，面包系厚身面包，所以如果细食啲嘅话，真系可以当午餐。
而最重要系每件三文治都好贴心咁用一张厚身牛油纸垫底，可以好斯文、好优雅咁拎起件三文治嚟食，食完唔会只手有油之余，仲唔会跌到周围系，呢方面绝对要加分，所以个楼面畀支叉我（见三文治上方）算系多余嘅，莫非佢唔想畀人话我无叉用？哈哈！
奶茶，我喜欢落啡糖去调味，味道好过用砂糖，茶嘅浓度适中，我好怕饮过浓嘅奶茶，因为会带苦味，滑度亦足够，而且带有微微茶香，又无酸味（你比较过大家乐嘅奶茶就知我讲乜啦），唔错。
埋单计都只系$35，咁嘅食物质素，如果有得拣嘅话，仲使乜帮衬两大一美，或者太兴？
张贴
