百份百餐廳 (翠屏(北)商場)

营业中

休息中

呢日中午與長輩一齊嚟到呢間餐廳食午餐，佢因為無牙，於是點咗豆腐魚柳，而我雖然唔食得好辣，但就點咗刴椒蒸鯇魚，梅菜蒸鯇魚就起佢哋嘅分店試過幾次，但未試過食刴椒蒸魚，想睇下佢有幾辣。嘢食嚟得都算快，但我叫嘅係蒸魚，所以要等耐少少，但都唔算太耐，大概十零分鐘已經到咗，而最先嚟嘅，當然係長輩叫嘅豆腐魚柳。豆腐係微微煎過嘅豆腐，呢位長輩食得到，但令我呢位長輩大為懊惱嘅係魚柳，佢無諗過係炸魚柳，而且唔係早餐嗰啲大塊魚柳，而係預製有啲韌口嘅魚柳條，佢咬唔到嚟食，結果畀哂我，佢只可以食豆腐同我碟蒸魚唔辣嗰部份。呢個豆腐魚柳，有少少肉絲，味道一般，撈埋啲芡汁，收$60，我就覺得唔值啦！講返正題先，個賣相同餐牌差唔多，但由於全餐廳滿座，走廊窄，加上肚餓，所以無影到相，等到食完，啲人無咁多嘅時候，先至影返個餐牌。刴椒有紅有橙，但如果加埋啲蔥花，視覺效果會更好。味道方面，唔係好辣，我食得到，而且有啲麻嘅感覺，我喜歡。而最特別嘅地方，亦係相片睇唔出嚟嘅地方係有啲扁物似陳村粉嘅嘢墊底，吸收咗魚汁同刴椒嘅精華，本來應該好好食，但可惜係啲粉偏硬，唔夠軟滑，如果鋪嘅係腸粉或者水晶粉，我諗效果會好啲。魚嘅份量算多，收$5

兩點幾去食下午茶，都知人多，去到冇位叫我地拎飛等，跟住不停放唔拎飛既人入去，同佢樓面講跟手話冇位要等，之後要同人搭枱其他客都話迫到坐唔到，10個讚。仲問我地仲咩唔食走呀，好似係我地問題係到搞搞陣咁，再風趣D呀麻

這餐廳內非常多蚊螆，尤其在尾位近牆的卡座，一條巷內4至5隻蚊螆一齊飛，非常滋擾，希望餐廳負責人能夠盡快處理，食肆提供乾淨舒適的用餐環境，相信每位客人都會再次光顧。

經過上次食到冰涼麵包嘅餐蛋治後，深深不憤，決定再去百分百食餐蛋治烘底做早餐，時間係朝早10點半左右，但餐廳入座率，目測有九成滿，對於一個有10多座樓嘅屋邨，而且可以提供堂食早餐嘅食肆多達10間咁多嚟講，加上時間係接近午市時間，可想而知呢間餐廳係幾咁受歡迎。上次食嘅餐蛋治時，塊麵包係凍冰冰，今次醒目加$2烘底，口感完全唔同哂，而且每件三文治唔單只蛋夠厚夠滑，餐肉亦有兩塊方罐火腿午餐肉，而且厚度亦適中，唔會太薄，麵包係厚身麵包，所以如果細食啲嘅話，真係可以當午餐。而最重要係每件三文治都好貼心咁用一張厚身牛油紙墊底，可以好斯文、好優雅咁拎起件三文治嚟食，食完唔會隻手有油之餘，仲唔會跌到周圍係，呢方面絕對要加分，所以個樓面畀支叉我（見三文治上方）算係多餘嘅，莫非佢唔想畀人話我無叉用？哈哈！奶茶，我喜歡落啡糖去調味，味道好過用砂糖，茶嘅濃度適中，我好怕飲過濃嘅奶茶，因為會帶苦味，滑度亦足夠，而且帶有微微茶香，又無酸味（你比較過大家樂嘅奶茶就知我講乜啦），唔錯。埋單計都只係$35，咁嘅食物質素，如果有得揀嘅話，仲使乜幫襯兩大一美，或者太興？

今朝早餐佢話係滑蛋餐肉三文治但佢一拎到嚟嘅時候我就覺得係厚蛋餐肉三文治嘞而食落口嘅時候就更加認同呢個感覺因為啲蛋真係唔夠滑更加唔夠香加返啲牛油落去炒嘅話就應該更加好蛋同餐肉係熱辣辣而且無偷工減料唔係得中間一祲而係成麵包都係蛋但麵包係冰涼（未食過咁凍嘅白麵包）而且嚡口但勝在厚身而且實心夠飽肚下次叫烘底嘅話應該會好啲唔使好似依家咁外凍內熱感覺唔理想麵包如果可以選麥包嘅話會健康啲可惜呢樣嘢好難起茶記見得到只能夠起三文治專門店食得到飲埋杯熱奶茶（奶茶用啡糖點都好過用白糖），承惠$33飽哂

今日下午茶當正餐迷你肉醬煎流心蛋飯碗仔翅熱奶茶兩張上碟相片嘅分別係一張係加醋及將煎蛋戳穿另一張係未做加工前，原先嚟到嘅原貌煎蛋要流心先至叫好食佢呢隻蛋嘅蛋黃係橙色，與肉醬混為一色，只有日本蛋嘅蛋黃先至有咁嘅顏色，呢個係日本蛋嘅特色，加上外邊煎得脆口，做得非常出色，相比之下，我自問煎蛋技術絕對比佢遜色。碗仔翅加醋係我嘅慣例，但叫咗職員畀醋我，有兩人應承但來回幾轉都未見有畀，呢個唔知係唔係依家做飲食業樓面嘅慣例？最終我要再次出口問到先至有，以為佢哋會畀預先包裝好嘅方便醋，原來嚟嘅係用小碟裝嚟，顏色較深嘅紅醋，起初唔為意，無試味，慣性直接成碟一滴不漏倒落去，點知就出事，原來酸味比包裝或食開嘅浙醋濃好多，完全蓋過原先碗仔翅嘅味道，下次都係試咗味，然後決定落幾多。記得以前學生年代食嘅碗仔翅係有粉絲，早前兩大一美快餐連鎖店嘅碗仔翅都有仿魚翅，可能成本問題，依家食到碗仔翅有粉絲，甚或有仿翅都幾難，包括呢一間。佢哋呢碗嘢好多木耳絲同雞蛋絲，但肉絲就非常少，我諗一定係同成本問題有關，除非唔係。唔好睇小佢係迷你飯就以為唔飽呀！其實都有一碗飯嘅份量，加埋碗翅同奶茶，莫講話女仕食得飽，男士一樣好飽，除非你可以

第三次食呢間，每次等食物都超過30分鐘以上，焗豬扒飯要等半個鐘，炒牛河好小小25分鐘，今次等個肉餅飯35分鐘，頂唔順，係等左25分鐘果陣已經問個服務員幾時出餐，個服務話即叫即整，依家已經蒸緊，當時餐廳內大概得6成滿嘅客人，咁我就再等多10分鐘，杯涷檸茶啲冰都溶曬都仲未等到先個蒸肉餅飯，等唔到了，lunch break 有限時，等個飯等超過半個鐘，嘥晒人地啲時間，其他分店可以出餐快成倍，唔明點解呢間可以慢到咁，以後不了

基本上每次都必叫嘅麻辣牛肉炒飯 飯炒到好乾身 麻辣味好夠 平時有食開辣嘅朋友都話幾啦😂不過我嫌牛肉唔夠多 好似食緊冇肉嘅炒飯咁 但味道真係唔錯 另外叫咗個梅菜扣肉飯扣肉幾入味

天氣太熱，即使掛了3號風球，仍然熱得要死，各大小茶記都滿滿是人，難得在這裡找到個位置坐下來，室內即使開了冷氣，但依然覺得熱。今日下午茶餐當午餐甚少喝的凍咖啡配麻辣貢丸米線一共$39等了5分鐘，先來杯凍咖啡，貨式普通，沒有什麼特別再等多10分鐘左右，才來碗米線米線賣相吸引，與餐牌相片差不多味道可以，有麻香亦夠辣，但辣度對我來講是過辣了有蔥花，有芫荽，有辣菜脯及芽菜，最特色是有炸鷹嘴豆，脆卜卜，口感不錯美中不足是貢丸開半，不是完粒。

星期五中午1點10分入席 1點40分都未有得食 吹咗三次 見到樓面姐姐真係有入廚房追 亦都聽到廚房好大聲嗌出嚟「想快去麥當勞食」大家都明白唔飯時間梗係人多啦 你今日第一日開門咩 第一次做午市咩 今時今日咁樣嘅服務態度 雖然廚房個大哥嗌出嚟可能係鬧返門面啲嘢啫唔係直接鬧客人 但出面嘅客人清楚聽到即係話你個廚房大梗係有心鬧客人 如果做唔掂嘅話 咁你咪做下人數控制唔好收咁多客囉 衷心希望你以後大把位日日可以慢慢煮講番嗰炒飯印尼森巴海鮮炒飯淨係見到兩三隻蝦仔同埋一啲好鹹嘅臘腸鹹味非一般人能夠接受 食咗幾羹食唔掂走咗就咁炒埋一堆 講真啲咁嘅屋邨茶餐廳嘅都唔要求咁多 再加上佢係集團經營 更加冇咩要求不過整個體驗有服務態度嗰碟炒飯嘅味道 根本不值一提 路過行過趕時間就冇乜所謂 絕對唔會真心想去再食第二次

紅白鴛鴦焗飯 跟餐飲 雞和豬扒都很腍，份量也不少；而且番茄汁覆蓋整個焗飯，味道不俗😋，比起其他某某連鎖店好好多呢！下一次可以再食😅！至於（熱）好立克很大杯，但味道很淡，飲完也不確定是不是好立克😅！服務員少，態度一般，可能因一人要招呼多枱客人的緣故。

【下午茶邊少得西多🍞🤤】今日經過觀塘 好肚餓 全日未食過野 又好想食西多 呢排唔知點解成日想食煎炸嘢 於是去左百份百食tea～*五香雞翼🐔配金條西多士 $37 呢個好食 d雞翼炸得好鬆脆 咬落crunchy crunchy 配埋個西多 入面係花生🥜餡 又香又滑 搽埋牛油 之後點蜜糖食 咬落大大嚿 又好似即口融化 幸福感滿滿 下午茶點可以少得過西多士呢～*咖哩魚蛋 +$7呢個雖然細份 但好好食 主要係個咖哩汁 配埋辣魚蛋 煙煙韌韌 好有嚼勁 讚👍🏻*凍檸茶🥤少甜少冰 +$3呢個凍檸茶竟然無完全檸檬🍋片 得d檸檬碎 感覺有d失望 少左檸檬同紅茶碰撞帶黎嘅苦澀味 差d意思📍 百份百餐廳 (翠屏北邨) 觀塘翠屏道19號翠屏北邨翠柳樓地下3號舖

揀咗外賣自取，早30分鐘落咗訂，到時間個下打算拎餐。結果到餐廳睇有冇得拎個時發覺遲過我訂餐嘅都已經有得拎（T5/T6），但我嘅外賣訂單（T4）就冇出現。以為係未出餐所以冇擺出黎，結果問一問發覺係仲未煮😅，等多咗15分鐘先有得拎餐，冇下次。如果唔係見到遲過我訂餐嘅人都有得拎，我係可以接受餐廳遲10分鐘出餐比我，但係有咩理由出晒其他人而一早落單嘅反而冇得拎😅服務人員態度就冇問題，但係出餐安排就好唔合理，餐廳理應改善。

餐廳外表光鮮亮麗，食物質素比一般更一般。叫咗個外賣係門口等咗40幾分鐘，連外賣嘅賣相都可以令你冇乜食慾。上次堂食嘅時候叫咗個叉燒蛋炒飯，成個炒飯好似比油中咗咁，識咗三份一最後棄權。

因為家中有小朋友、所以經常會叫外賣、百份百是其中一間店舖。可惜這店舖經常漏餸，有一次叫了一份蕃茄牛肉豆腐湯加藜麥飯、竟然漏放了牛肉！今次再給機會、同樣叫了一份蕃茄牛肉豆腐湯加藜麥飯、卻漏了飯！真令人無法忍受…