Auntie AYI @wellwellwell

呢个四人餐整体感觉唔错，份量足够。前菜椒盐素鲜鱿好有惊喜，佢系用椰子肉做。包片海蜇同合桃都好好味。今日老火汤系粉葛赤小豆，系每一位上，每碗汤都有粉葛瘦肉，冇味精味道浓郁。蒸黄花鱼味道唔错，条鱼都鲜甜新鲜，仲有啲肉碎令到条鱼更加惹味，蒜蓉蒸扇贝够大只同新鲜，芝麻鸡香脆，腊肠炒芥兰味道一般，不过欣赏佢哋将芥兰老嘅菜框批走，每条芥兰都好大条但食落好嫩，另外甜品椰汁糕好好味。整体味道唔错，只系个别菜式，包括蒸扇贝同埋腊肠炒芥兰略嫌太多油，注意饮食健康，或者要同佢讲少油。