四季常餐 (德輔道中)

营业中

休息中

今日午饭时间谂唔到食乜，对中环唔系咁熟路嘅我，同事介绍我去食四季常餐，冒着荡失路嘅机会，尝试行去食，因为食两点嘅关系，去到店面几乎冇人等位，店内格局开阳，坐低之后餐牌几乎通粉、意粉类都系有牛肉，最后就拣咗同事都有介绍过我食嘅叉烧炒蛋饭，因为怕食唔晒所以落单时我都会叫小饭，之后我就后悔啦。叉烧炒蛋饭到咗之后，当然要影返张相啦，点知食咗第一啖！出事喇！平平无奇既叉蛋饭！点解咁好味！个秘制酱汁真系再三回味，蛋滑，叉烧又新鲜，唔痴牙！我外出食饭以黎，未试过食完仲觉得唔够！食完之后先醒起，我无带现金... ...细细声咁问店员：你哋呢到收八达通吗？🙈个店员见望一望我食到劲干净既碟，就笑咗笑答：收八达通嫁！之后就好开心咁埋单走人