豚道樂 (百合苑商場) (已結業)

突然之间好想食拉面，上网睇左几间，有小小想试下豚道乐，一于早啲去食。夜晚六点左右，铺头完全未有人😗可以放心慢慢拣慢慢食，钟意蒜既我见到特上黑蒜油拉面($93)谂都唔洗谂就决定要食距，朋友就食特上日本芥末拉面($93)。 留意返唔拣特上都得，会平13蚊，不过冇溏心蛋、紫菜同少两片肉(好似系)。 面方面我就拣左曲面，朋友就拣左直面，曲面粗啲同真系曲既，直面就幼啲。硬度我系拣左硬，食落爽口啲，就算浸耐左系汤都冇咁快淋左。问过侍应辣酱唔辣，心思思都系加左，同个汤捞埋真系冇得顶，辣酱既香辣味令黑蒜油既味道好出，搞到我连个汤底都就快饮晒。至于日本芥末拉面都几特别，睇到个汤系绿色以为会伏，点知又几好饮，唔会好似食寿司个啲wasabi咁攻鼻，配上芝士粉就冇左芥末原有既清淡味，真系值得一试。