影片
更多
2012-08-08
734 浏览
又一米芝莲食府 ﹗出品好满意，但服务真系麻麻地，楼底高不过环境较嘈吵，食景一流，30 楼无敌海景。隔黎就系 eye bar 喇，食饱饭仲可以叹支酒，叹个迷人夜境，倾吓计，爽 ﹗预先 book 左张靓枱，坐最入面大单边，远离人烟，正 ﹗张枱对正落地巨玻璃，无敌海景送饭，梗开心又开胃啦 ﹗刚好睇到幻彩咏香江㖞 ﹗如果睇烟花就一流喇 ﹗仲未齐人开饭，唯有影吓相，欣赏吓幻彩咏香江啦 ﹗楼底好高，好有空间感。枱正中间有个类似地动仪既装饰，不过开饭既时候就会攞走喇。我地 6 个人坐 10 人枱，真系有点疏离感觉，所以我地都坐埋少少，容易倾到计麻，但如果张枱唔够大就唔够攞送啊 ﹗研究左个 menu 好耐，决定散叫唔 order dinner set，散叫自由度较大 ﹗拍青瓜，好新鲜又清新既味道，淡淡咸香又爽口，好食。先黎几个前菜小食先，君姐同男友还未到，人齐先点主菜啦，最低消费每位 USD500，一定好丰富 ﹗麻辣海蜇，非常爽口，又够冻，微辣带麻油香，好开胃。女友唔钟意食冷盘，无口福。 脆皮烧腩仔，比两星米芝莲名阁做得更好 ﹗肉质软垫，淡淡咸香不太呛，脆皮干爽香口 ﹗多重口感，层次分明，脆滑棉实有齐
预先 book 左张靓枱，坐最入面大单边，远离人烟，正 ﹗张枱对正落地巨玻璃，无敌海景送饭，梗开心又开胃啦 ﹗刚好睇到幻彩咏香江㖞 ﹗如果睇烟花就一流喇 ﹗仲未齐人开饭，唯有影吓相，欣赏吓幻彩咏香江啦 ﹗楼底好高，好有空间感。
枱正中间有个类似地动仪既装饰，不过开饭既时候就会攞走喇。我地 6 个人坐 10 人枱，真系有点疏离感觉，所以我地都坐埋少少，容易倾到计麻，但如果张枱唔够大就唔够攞送啊 ﹗研究左个 menu 好耐，决定散叫唔 order dinner set，散叫自由度较大 ﹗
拍青瓜，好新鲜又清新既味道，淡淡咸香又爽口，好食。先黎几个前菜小食先，君姐同男友还未到，人齐先点主菜啦，最低消费每位 USD500，一定好丰富 ﹗
麻辣海蜇，非常爽口，又够冻，微辣带麻油香，好开胃。女友唔钟意食冷盘，无口福。
脆皮烧腩仔，比两星米芝莲名阁做得更好 ﹗肉质软垫，淡淡咸香不太呛，脆皮干爽香口 ﹗多重口感，层次分明，脆滑棉实有齐 ﹗而且不油不腻，肥瘦比例刚好，Good ﹗配甜芥辣更添鲜味，一分钱一分货，推介 ﹗
麻辣鸭舌，好美味 ﹗系我食过最惹味、最好食既 ﹗大赞 ﹗够麻又够辣 ﹗肉质弹牙滑溜，第一次食到咁高质既鸭舌 ﹗大家食到津津有味，要叫多两碟添呀 ﹗
鲜糊椒麻辣鸡，鸡肉嫩滑，味道微辣带麻，平均大路，满意，无咩特别。
响螺炖鸡汤，卖完即止 ﹗从未饮过咁浓郁既响螺味，超清甜可口，得一碗真系唔够喉，下次要每人一锅先得 ﹗就算炖完汤既响螺肉依然鲜甜，口感棉棉的，不错。
金榜酱大虾，其中一味招牌菜 ﹗个汁真系好味到不得了 ﹗淡淡甜味带点微辣，香口又滑溜溜，只配一个炸曼头点够喉 ﹗如果汁多配面包一定食到唔停口呀 ﹗虾肉爽甜、煎得惹味、虾壳炸得卜卜脆 ﹗推介必食之选。
桃园三杯鸡，还未攞到埋黎已闻到好香既气味 ﹗但系份量真系太少啊 ﹗我地六个人，每人只分得一小件，而且骨多肉少，唔够尽兴啰 ﹗又试唔真啲质感。香气就一流喇，味道较普通，一试无妨。
鸭肉碎生菜包，依个反而有惊喜㖞 ﹗生菜鲜嫩多汁又爽甜非常，而鸭肉碎炒得香口、肉汁又丰富，卷住生菜一齐食，可去油腻感，味道更清新，口感又更加丰富。虽然卖相平平，但味道十分吸引 ﹗由于馅料份量几多，又因为生菜份量少，上枱先要自己先分配好，否则到完后就唔够生菜用喇 ﹗发现每个生菜包都要卷得满满才可以刚刚好啊 ﹗鸭肉碎生菜包，炒得香浓味美，有镬气 ﹗包埋新鲜生菜同吃，美味无穷 ﹗转个头已经全部食晒。
奶油津白，君妹推介，必食之选 ﹗津白真系非常清甜 ﹗喂得软棉又多汁，滑溜非常，没半点渣，加埋香滑奶油十分可口，好好味 ﹗加上本菇既菌香，真系双得益章呀 ﹗
露笋炒鸡髀菇，真系估佢唔到 ﹗一碟咁普通既小菜都可以炒得咁好味 ﹗鸡髀菇切成方粒，口感弹牙爽脆，好似食紧肉一样呀 ﹗露笋又鲜又嫩又多汁，半点渣也没有，炒得够镬气，又香又好味 ﹗
片皮鸭，期待已久 ﹗今晚既主角出场喇 ﹗要预订先有得食架。发现米芝莲 1 星南海比起米芝莲 2 星明阁更好味 ﹗而且价钱平一半有多。鸭肉嫩滑多汁，肉质幼嫩，鸭皮薄而干爽香脆，配上清瓜鸭酱可以减去肥賸感觉，Good ﹗
龙虾汤泡贵纪饭，大受好平既招牌菜，亦系我咁大年纪食过既泡饭最好食既一个，必食 ﹗浓浓清香龙虾汤，味道甜美，饭粒脆卜卜，口感特别，好好味 ﹗如果能够再热一点就更好喇。
什菌炒带子，家常小菜，普普通通，不过不失啦，可能之前几道菜实在太利害喇 ﹗带子味道鲜甜，质感软棉，配什菌不错。
张贴
