集眾菜館

营业中

休息中

每次去太子食饭，就会心思思想食集众，不过因为真系太多捧场客，所以基本上无Book位都唔洗谂住有得搏吓，所以今次决定去食就梗系预早订定位啦。今晚2个人只叫了3个𩠌，咕噜肉、铁板啫啫鱼春鱼鳔同埋什菌豆腐煲。咕噜肉基本上系招牌菜，差不多每枱都会叫，老板娘话系用新鲜猪肉做，连D波萝都系新鲜波萝，唔用罐头，所以真系好食，个咕噜肉嘅皮系封返汁落去𠮶种脆皮，而个汁又做到有拔丝效果，果然系招牌菜。其实铁板啫啫都可以话系呢间小店的招牌，除咗鸡什同猪生肠之外，另一款用铁板啫啫上碟的就是今次老板娘介绍的鱼春加鱼鳔，虽然系罪恶D，不过真系好惹味，𩠌白饭或者𩠌啤酒真系一流。佢D洋葱、葱段、干葱头等等嘅配菜，黐上一粒粒的鱼春，真系正。什菌豆腐煲又系老板娘介绍的，佢话Menu无架。最有惊喜的就是个豆腐好滑，好食，下次去会再叫。