上海美食之家

营业中

休息中

回锅肉送白饭加冻豆浆晚餐套餐，只系43蚊，如果改菜饭加几蚊。真系非常抵食。 小店厨师，清洁，侍应加埋可能得三四个人，有时好忙都唔会点招呼你，但系冇乜问题，因为佢哋好快手，你一落单10分钟唔使就上菜。 佢都好多𩠌菜一般上海菜包点都有。 回锅肉好够镬气，虽然平但系份量唔细亦有好多椰菜，个人比较钟意食肥嘅回锅肉👍🏻好好味，不过食到尾就会觉得好多油，隔离枱个男人见到就叫少油，都好多客人食，本来想试吓糖醋鱼块，好彩冇拣错。重有杯冻豆浆好好饮，好有豆味唔系好甜，唔会觉得佢沟好多水👍🏻，如果唔系用纸杯就更好。之前中午都系去食酸辣云吞，都好好味㗎。