和宴

营业中

休息中

同男朋友一齐到和宴食好味嘅宫崎和牛套餐 - 宫崎和牛海鲜十三品盛宴。前菜有：🔹特制宫崎和牛他他配法包🔹韩式煎饼🔹迷你沙律开胃又好食嘅前菜，尤其系特制宫崎和牛他他，令我哋十分惊艳，估唔到宫崎和牛他他系咁好味。仲有韩式煎饼，香脆好食，鲜味十足。烧肉有：🔹宫崎和牛薄切牛板腱（寿喜烧风）配日本蛋🔹薄切牛舌芯（盐葱汁）🔹宫崎和牛上牛排肉🔹宫崎和牛特上牛肩肉眼🔹鹿儿岛猪五花肉宫崎和牛系最好食嘅牛肉之一，无论口感味道都好顶级，唔单止牛肉味好浓郁，口感仲系嫩滑顺口，鲜嫩多汁，总括嚟讲就系好好食。仲有五花肉，丰富嘅肉汁，而且食咗都唔会滞，好好味。海鲜有：🔹海老🔹原只帆立贝海鲜都好新鲜，口感好有咬口，食落去仲保持住原本嘅海水味，完全冇腥味。再叫多支Sake，彷佛好似身处日本咁。