影片
更多
2018-06-30
123 浏览
本来今日都冇谂住出街的，都唔知点解，一家三口Hea到差唔多2点忽然兴起话出去行下；就系咁搭地铁去左坑口行下啦。成10点几11点先食完早餐，一直都唔多饱，所以都系周围游；行过见到有间食越南野，本来老公想试的，但要等位又放弃了。再行过元气，见到有火车的，仔又望望下，结果就攞左飞仔入去食啦；因为老公又未试过火车送餐，咪玩下啰。都要等20张枱架，但隔离就系三联，所以走左去睇书又唔觉得等左好耐；而且重有10张枱时，会有电话提醒，重有10张枱就快到。几好丫，真系预左个客唔驶企定定系门口等。一坐底2父子就一人一个pad系度点餐啦，老公都几好奇点送餐每次有火车经过都望下先，佢重笑话火车行过拎左唔知会点呢？点下点下，2父子真系觉得好过瘾咁，放低部机冇耐，先黎左1,2碟寿司又点过；结果食到我地劲饱，食完都4点，都唔知点食晚饭。一开始就2架火车一齐黎，上左4碟寿司。讲真，味道冇乜点，一直觉得元气好过板长DD的，有火车玩重过瘾D，而且好似系冇板长咁贵的。跟住系个样有D伏，但原来都OK既芝士烟肉乌冬，不过觉得OK，可能因为我同仔仔都系芝士控，有芝士就乜都好味。再黎2架火车...放到成枱都系，感觉系食得开心D咁㖞
一坐底2父子就一人一个pad系度点餐啦，老公都几好奇点送餐每次有火车经过都望下先，佢重笑话火车行过拎左唔知会点呢？点下点下，2父子真系觉得好过瘾咁，放低部机冇耐，先黎左1,2碟寿司又点过；结果食到我地劲饱，食完都4点，都唔知点食晚饭。
一开始就2架火车一齐黎，上左4碟寿司。讲真，味道冇乜点，一直觉得元气好过板长DD的，有火车玩重过瘾D，而且好似系冇板长咁贵的。
跟住系个样有D伏，但原来都OK既芝士烟肉乌冬，不过觉得OK，可能因为我同仔仔都系芝士控，有芝士就乜都好味。
再黎2架火车...放到成枱都系，感觉系食得开心D咁㖞
有少少揾笨既厚烧玉子，叫佢D饭都冇夹入旧玉子度，而且玉子都唔系自家制的，只系叫货一大旧再切开的，完全唔值咁既价。
有D少既炸墨鱼软骨，完全食唔到有软骨，老公食第一旧重问我叫左炸鸡粒咩？唔知系咪真系有炸鸡粒混左落去？还是我老公既味觉有问题？
又一堆军舰一齐上
仔仔再order拉面，果然寿司真系食唔饱阿仔，好彩佢食左2碗面，如果唔系叫多十碟寿司佢都未饱丫。
油甘鱼同北寄贝，油甘鱼切得好厚丫，依2件抵食
吉列鲽鱼，谂唔起即系乜鱼？叫黎试下，食完觉得，系炸鱼手指放左上饭面。
因为老公同仔仔好奇，点炸粟米呢？所以叫左粟米天妇罗。系真系揾笨得好紧要
仔仔后加的炙烧黑椒蚝，唔，仔话，冇特别㖞，下次应该唔会叫架啦。食完觉得，其实又真系唔系特别好食，都有少少有伏，但系火车真系几好玩。每次有火车出闸都好期待自己Order D野到味。真系好玩多过好食啰。重有佢落单个pad大好多，睇得舒服好多，板长果个pad仔，真系比人感觉cheap爆，又要扮高级又唔肯洗多D钱，比个大D既pad客人order，客人睇得舒服D，自然会点多D。元气个pad又大部，又可以睇番自己落过乜单，真系好过板长多多声。
张贴
